پیٹرول کی قیمت پر فیصلہ نہیں ہو پا رہا،کہتے ہیں ہم نے ایٹمی دھماکوں کا فیصلہ خود کیا

سماجی رابطے کی ویب سائیٹ ٹوئیٹر پر جاری پیغام میں سابق وفاقی وزیر اطلاعات فواد چودھری نے حکومت کو پیٹرول کی قیمتوں سے متعلق فیصلہ نہ کر پانے پر آڑے ہاتھوں لیا۔

انہوں نے اپنے ٹوئیٹ میں لکھا کہ جن سے پیٹرول کی قیمت پر فیصلہ نہیں ہو پا رہا، وہ کہتے ہیں کہ ہم نے ایٹمی دھماکوں کا فیصلہ خود کیا تھا۔

جن سے پٹرول کی قیمت پر فیصلہ نہیں ہو پا رہا۔وہ کہتے ہیں ہم نے ایٹمی دھماکوں کا فیصلہ خود کیا تھا۔۔ #امپورٹڈ_حکومت_نامنظور

— Ch Fawad Hussain (@fawadchaudhry) May 15, 2022

واضح رہے کہ اس وقت پیٹرول پر 21 روپے 30 پیسے اور ڈیزل پر 51 روپے 52 پیسے کی سبسڈی دی جا رہی ہے،حکومت نے گزشتہ روز پیٹرولیم مصنوعات کی قیمتوں پر دی جانے والی سبسڈی ختم  کرنے کا فیصلہ کیا تھا  تاہم اس فیصلے کے اطلاق کا فیصلہ آج بھی نہ ہو سکا۔