وزیراعظم نے آج اتحادی جماعتوں کے قائدین کا اجلاس بلا لیا

ذرائع کے مطابق اجلاس میں ملک کی معاشی و سیاسی صورتحال اور انتخابی اصلاحات پر مشاورت ہو گی ۔  وزیراعظم شہباز شریف حکومتی مستقبل سے متعلق آپشنز اتحادی جماعتوں کے قائدین کے سامنے رکھیں گے ۔ تمام اتحادی جماعتوں کی منظوری کے بعد ہی حکومت حتمی فیصلہ کرے گی۔

وزیر اعظم کابینہ کو بھی معاملے پر اعتماد میں لیں گے، ملکی مستقبل سے متعلق نیشنل سیکیورٹی کمیٹی کا اجلاس بھی متوقع ہے۔

ذرائع کے مطابق وزیراعظم  شہبازشریف ساڑھے بارہ بجے ایم کیوایم ، ساڑھے 4 بجے فضل  الر حمان اور چھ بجے آصف زرداری سے ملاقات کریں گے ۔

شہبازشریف کی قیادت میں (ن) لیگ کے وفد نے لندن میں تین روز تک سابق وزیراعظم میاں نوازشریف سے مشاورت کی تھی۔

یاد رہے کہ وزیراعظم شہبازشریف برطانیہ اور متحدہ عرب امارات  کا دورہ مکمل کرکے گزشتہ روز وطن واپس پہنچے ہیں۔