ایم کیوایم پاکستان کی وزیراعظم شہباز شریف کو فوری الیکشن کی تجویز

وزیر اعظم شہباز شریف کے ساتھ اسلام آباد میں ملاقات کے بعد صحافیوں سے گفتگو میں رہنما ایم کیو ایم پاکستان خالد مقبول صدیقی نے کہا کہ موجودہ مسائل کا حل عام انتخابات ہیں،فریش مینڈیٹ لیا جائے، دیر کی تو بد نصیبی ہوگی۔

انہوں نے کہا کہ انتخابی اصلاحات ایک ہفتے میں ہوسکتی ہیں، ریاست بچانےکی خاطرمشکل فیصلے لینے چاہئیں، مردم شماری کا آغاز اگست کے بجائے جون میں کیا جاسکتا ہے۔

اس سے قبل متحدہ قومی مومنٹ پاکستان کے کنوینر اور رکنِ قومی اسمبلی ڈاکٹر خالد مقبول صدیقی نے وزیرِ اعظم شہباز شریف سے ملاقات کی جس میں موجودہ ملکی سیاسی صورت حال پر گفتگو اور مشاورت کی گئی۔