وزیراعظم شہباز شریف کا چینی ہم منصب سے ٹیلیفونک رابطہ

تفصیلات کے مطابق وزیر اعظم شہباز شریف نے اپنے چینی ہم منصب لی کی چیانگ سے ٹیلیفونک رابطی کیا جس میں انہوں نے کراچی یونیورسٹی میں دہشتگردی کے واقعے پر چین کے عوام اور حکومت سے تعزیت کی۔

چینی وزارت خارجہ کے مطابق وزیر اعظم لی کی چیانگ نے کہا کہ کراچی میں چینی شہریوں پر حالیہ حملے سے چین میں غم و غصہ پایا جاتا ہے، امید ہے پاکستان مجرموں کو جلد اور قرار واقعی سزا دے گا۔

انہوں نے کہا کہ چین ہمیشہ کی طرح قومی خود مختاری اور سلامتی کے دفاع میں پاکستان کی غیر متزلزل حمایت کرے گا،پاکستان کی معاشی ترقی اور مالی استحکام کو برقرار رکھنے میں پاکستان کی مدد جاری رکھےگا۔

وزیر اعظم شہباز شریف نے کہا کہ پاکستان چینی شہریوں کی جانوں اور تحفظ کو قدر کی نگاہ سے دیکھتا ہے اور دہشتگردی کی مذمت کرتا ہے۔