کورونا کیسز: سعودی عرب نے اپنے شہریوں پر 16ممالک کاسفرکرنے پرپابندی عائد کردی 

سعودی میڈیا کے مطابق سعودی عرب نے  اپنے شہریوں کو  ترکی ، لبنان،شام،افغانستان ، ایران ،بھارت، یمن کا دورہ کرنے پر پابندی لگا دی ہے ۔ اس کے ساتھ ساتھ صومالیہ  اور ایتھوپیا ،  کانگو،لیبیا،انڈونیشیا، ویتنام ، آرمینیا، بیلاروس اوروینزویلا جانے سے بھی  منع کیاگیاہے۔ 

سعودی میڈیا کے مطابق پاسپورٹ کے ڈائریکٹریٹ نے زور دیا کہ غیرعرب ملکوں کاسفرکرنے کے خواہشمند سعودی باشندوں کے پاسپورٹ کی معیاد چھ ماہ سے زیادہ ہونا ضروری ہے۔

مزید برآں، سعودی عرب میں وزارت صحت نے عوام کو یقین دلایا ہے کہ ملک میں  منکی  پاکس کا کوئی کیس رپورٹ نہیں ہوا ۔

 صحت کے نائب وزیر صحت عبداللہ عسیری نے کہا ہے کہ مملکت میں  منکی  پاکس کے کسی بھی مشتبہ کیس کی نگرانی اور  رپورٹ ہونے پر پر انفیکشن کے خلاف لڑنے کی صلاحیت ہے۔

علاوہ ازیں  عالمی ادارہ صحت  (ڈبلیو ایچ او) نے 11 ممالک میں مونکی پاکس کے 80 کیسز کی تصدیق کی ہے اور کہا کہ وہ کیسز کے پھیلاؤ  کی حد اور وجہ کو بہتر طور پر سمجھنے کے لیے کام کر رہے ہیں ۔