پرامن احتجاج ہمارےشہریوں کاحق ہے:عمران خان

ٹوئیٹر پر جاری پیغام چیئرمین تحریک انصاف نے کہا کہ پنجاب، اسلام آباد میں تحریک انصاف کے رہنماؤں اور کارکنان کے خلاف ظالمانہ کارروائیوں نے ایک مرتبہ پھرہمیں وہی کچھ دکھایاہےجس سےہم واقف ہیں کہ جب بھی اقتدار ہاتھ لگتاہے ن لیگ فسطائیت پر اترتی ہے۔

انہوں نے کہا کہ یہ کریک ڈاؤن کٹھ پتلیوں کی ڈوریاں تھامنے والوں  پربھی سنجیدہ سوالات اٹھارہاہے،معیشت پہلےہی تباہی کے گڑھے میں اتر چکی ہے، ڈاکوؤں اور ان کے آقاؤں کو میں خبردار کرنا چاہتا ہوں کہ یہ غیر جمہوری اور سفاکانہ اقدامات معاشی صورت حال میں مزید ابتری کا مؤجب بنیں گے اور ملک کو طوائف الملوکی کی جانب دھکیلیں گے۔

Peaceful protest is the right of all our citizens. The brutal crackdown on PTI ldrs & workers in Punjab & Islamabad has once again shown us what we are familiar with - the fascist nature of PMLN when in power. The present crackdown also raises serious questions abt the Handlers.

— Imran Khan (@ImranKhanPTI) May 23, 2022

سابق وزیر اعظم نے اپنی حکومت کی مثال دیتے ہوئے کہا کہ ہماری حکومت کے خلاف پیپلزپارٹی، مسلم لیگ نواز اور جمعیت علمائے اسلام کے جلوسوں کو بالکل بھی روکا نہیں گیا نہ ہی ہم نے ان کےکارکنان کے خلاف کسی قسم کارروائیاں کیں،ڈیموکریٹس اور کلپٹوکریٹس میں یہی تو فرق ہوتا ہے۔

واضح رہے کہ تحریک انصاف کے زیر اہتمام حقیقی آزادی مارچ کو روکنے کے لیے حکومت نے ملک بھر میں تحریک انصاف کے کارکنان اور رہنماؤں کے خلاف کریک ڈاؤن شروع کر دیا ہے جس میں لاہور سے کچھ کارکنان کی گرفتاریوں کی بھی اطلاعات ہیں۔