سابق وزیر اعظم عمران خان نے اپنی سب سے بڑی خامی بتا دی

سابق وزیر اعظم عمران خان نے نجی ٹی وی چینل سے گفتگو میں کہا کہ سب سے زیادہ خطرہ تو میری جان کو ہے،میں پھر بھی اسے جہاد سمجھ کر نکل رہا ہوں،عوام سے کہتا ہوں کہ خوف کی زنجیریں توڑیں خوف غلام بنا دیتا ہے، جو لوگ ایمان لے آتے ہیں اللہ ان کا خوف دورکردیتا ہے،الیکشن کی تاریخ ملنے تک پیچھے نہیں ہٹیں گے، تحریک جاری رہے گی۔

سابق وزیر اعظم نے کہا کہ کل خود خیبرپختونخوا سے مارچ کی قیادت کروں گا،عوام کا سمندرمیرے ساتھ ہوگا،جو بھی عوام کے اس سمندرکو روکنے کی کوشش کرے گا وہ بہہ جائےگا، حکومت کے پاس اخلاقی قوت نہیں ہے تو جسمانی قوت کا استعمال کررہی ہے، یہ سمجھتے ہیں راستے بند کرکے لوگوں کوروک لیں گے۔

انہوں نے کہا کہ اب ہماری قوم بیدار ہوچکی ہے، قوم میں خود داری جاگی ہے، کسی کوتوقع نہیں تھی کہ قوم اس طرح بیدارہوگی خودداری جاگےگی،جوحرکتیں یہ کررہےہیں اپنی سیاسی قبریں کھودرہےہیں،رات کی تاریکی میں دیوارپھلانگ کرلوگوں کے گھروں میں گئے، فوجی کےگھرچھاپہ ماراگیااس کی جواں سالہ بیٹی رورہی ہےویڈیوموجودہے۔