آج پاکستان کی سیاست کا اہم دن ،3 سے 5 دنوں میں اہم فیصلے ہو کر رہیں گے: شیخ رشید

تفصیلات کے مطابق عوامی مسلم لیگ کے رہنما اور سابق وزیرداخلہ  شیخ رشید نے  سماجی رابطے کی  ویب سائٹ ٹوئٹر پر لانگ مارچ سے متعلق خصوصی ویڈیو پیغام جاری کیا ہے۔

شیخ رشید   نے  اپنے ویڈیو پیغام میں کہا  کہ یہ بھگوڑے ہیں، کبھی سعودی عرب میں پناہ لیتے ہیں ، کبھی بیماریوں کے بہانے لندن بھاگ جاتے ہیں۔جب عدالت میں فرد جرم لگنی ہو انہیں چُک پڑ جاتی ہے ،  پاکستان میں عظیم افواج کے لیے یہ نازیبا زبان استعمال کرتے ہیں۔ مطلب ہو تو پاؤں میں پڑ جاتے ہیں نہ ہو تو گلے پڑ جاتے ہیں۔ 

ان کا کہنا تھا کہ  پاکستان بنے جا رہا ہے ایک قوم ہونے جارہی ہے، نیوکلیئر ملک کو اور اس کی معیشت کو سازشیوں کے ہاتھوں تباہ کیسا جارہا ہے، دو سے تین بجے کے درمیان لال حویلی پہنچوں گا ، پرامن ریلی کی قیادت کروں گا اور اسلام آباد جاؤں گا۔ 

شیخ رشید نے کہا کہ یہ تحریک چوروں ، لٹیروں اور سازشیوں کو تباہ اور نست و نابود کرنے جارہی ہے،  لال حویلی سے نکلو، کمیٹی چوک، چاندی چوک یا فیض آباد سے نکلوں  گا ضرور۔   راولپنڈی کے لوگوں سے درخواست ہے کہ نکلیں اور عظیم تحریک کا حصہ بنیں۔ 

واضح رہے کہ پاکستان تحریک انصاف کے چیئرمین عمران خان کی جانب سے آج ڈی چوک اسلام آباد پہنچنے کا اعلان کیا گیا ہے۔

تحریک انصاف کے لانگ مارچ کو روکنے کیلئے پنجاب پولیس کی جانب سے مختلف شہروں میں سڑکوں پر کنٹینر کھڑے کردیئے گئے جبکہ ٹرک کھڑے کر کے راستے بند کردیئے گئے ہیں۔