کسی معاہدے کا سوال ہی پیدا نہیں ہوتا : عمران خان 

تفصیلات کے مطابق سماجی رابطے کی ویب سائٹ ٹوئٹر پر ایک پیغام میں چئیرمین تحریک انصاف عمران خان نے کہا کہ  حکومت سے ڈیل نہیں ہوئی،یہ افواہیں اور غلط معلومات ہیں، ہم اسلام آبادکی طرف بڑھ رہےہیں۔ 

عمران خان نے کہا کہ اسمبلیوں کی تحلیل اورالیکشن  تاریخ کے اعلان تک اسلام آباد میں رہیں گے۔ 

Rumours & delib disinfo that a deal has been done. Absolutely not! We are moving towards Islamabad & no question of any deal. We will remain in Islamabad till announcement of dates for dissolution of assemblies & elections are given. Calling all ppl of Islamabad & Pindi to join

— Imran Khan (@ImranKhanPTI) May 25, 2022

دوسری جانب وفاقی  وزیراطلاعات مریم اورنگزیب  نے بھی  ٹوئٹر پر ایک بیان میں کہا کہ پاکستان تحریک انصاف کے درمیان کوئی معاہدہ نہیں ہوا،   حکومت اور تحریک انصاف کے درمیان مذاکرات اور معاہدہ کی خبر بے بنیاد ہے۔ 

خیال رہے کہ اس سے قبل  یہ خبریں زیر گردش تھیں کہ حکومت اور پی ٹی آئی کے درمیان معاہدہ طے  پاگیا  ہے اور  پی ٹی آئی اب لانگ مارچ نہیں بلکہ صرف جلسہ کرے گی ۔ 

واضح رہے کہ پاکستان تحریک انصاف کے چیئرمین عمران خان کی جانب سے آج ڈی چوک اسلام آباد پہنچنے کا اعلان کیا گیا ہے۔

تحریک انصاف کے لانگ مارچ کو روکنے کیلئے پنجاب پولیس کی جانب سے مختلف شہروں میں سڑکوں پر کنٹینر کھڑے کردیئے گئے جبکہ ٹرک کھڑے کر کے راستے بند کردیئے گئے ہیں۔