تحریک انصاف کے 5 کارکنان شہید ہو ئے ہیں:شاہ محمود قریشی

پاکستان تحریک انصاف کے نائب چیئرمین مخدوم شاہ محمود قریشی نے کہا ہے کہ تحریک انصاف کے 5 کارکنان شہید ہو ئے ہیں، حکومت نے سپریم کورٹ کے احکامات کی خلاف ورزی کی ہے۔

جی این این سے گفتگو میں شاہ محمود قریشی نے کہا حکومت کے ساتھ ملاقات ہوئی تھی، جس میں کوشش تھی کہ حکومت گرفتار لوگوں کو رہا کر دے اور کنٹینرز ہٹا دے، لیکن ایسا نہیں ہوا۔

انہوں نے تازہ صورت حال میں حکومت کے ساتھ کسی بھی قسم کے مذاکرات کی نفی کرتے ہوئے کہا کہ جس فرعونیت اور یزیدیت کا مظاہرہ حکومت کر رہی ہے، ایسے ماحول میں مذاکرات نہیں ہوتے۔ 

شاہ محمود قریشی کی جی این این سے خصوصی گفتگو، موجودہ حالات سے آگاہ کردیا@SMQureshiPTI @PTIofficial #LongMarch #حقیقی_آزادی_مارچ #AzadiMarch pic.twitter.com/CYonuOIsXI

— GNN (@gnnhdofficial) May 25, 2022

اس سے قبل رہنما تحریک انصاف شہباز گل نے بھی اپنے ایک ٹوئیٹر پیغام میں کہا کہ امپورٹڈ حکومت نے اب تک ہمارے 5 لوگوں کو شہید کر دیا ہے۔

انہوں نے کہا کہ حکومت نے چادر چاردیواری کا تقدس پامال کیا، خواتین کی بے حرمتی کی، بزرگ خواتین پر تشدد کیا، گولیاں، آنسو گیس، شیلنگ اور تمام ملک کو بند کیا۔

امپورٹڈ حکومت نے اب تک 5لوگوں کو شہید
چادر چاردیواری کا تقدس اور خواتین کی بے حرمتی بزرگ خواتین پر تشدد
گولیاں آنسو گیس شیلنگ اور تمام ملک کو بند کیا
وٹس ایپ گروپ اس ڈیوٹی پر پیسے حلال کر رہا ہے کہ چند درختوں کو آگ لگ گئی جو انتظامیہ اور پولیس نے خود لگائی#حقیقی_آزادی_مارچ

— Dr. Shahbaz GiLL (@SHABAZGIL) May 25, 2022