روس سے سستا تیل لینے دیتے تو مہنگائی کا یہ طوفان تھم جاتا، فواد چودھری

حکومت کی جانب سے پیٹرولیم مصنوعات کی قیمتوں میں اضافے پر ردعمل دیتے ہوئے انہوں نے کہا کہ آئی ایم ایف کی خواہش پر پیٹرول اور ڈیزل کی قیمت میں اضافہ کر دیا گیا ہے جس سے عام آدمی کی مشکلات میں بے پناہ اضافہ ہو گا۔

انہوں نے کہا کہ اب بجلی کی قیمت میں بھی مزید اضافہ کیا جا رہا ہے، تحریک انصاف اس اضافے کو مسترد کرتی ہے۔

ان کا کہنا تھا کہ ہماری روس کے ساتھ سستے تیل کے لیے ڈیل ہوئی تھی، بھارت نے کس طرح تیل سستا کیا، آپ کیوں روس سے تیل نہیں لے رہے۔

انہوں نے کہا کہ مفتاح اسماعیل کو چاہیے کہ حماد اظہر اور شوکت ترین کے ساتھ بیٹھ کر سمجھ لے۔