الیکشن ایکٹ ترمیمی بل 2022سینیٹ سے منظور

جی این این کے مطابق چیئرمین سینیٹ صادق سنجرانی کی زیر صدارت سینیٹ اجلاس ہوا، جس میں نیب اور الیکشن ایکٹ ترمیمی بل سینیٹ سے منظور کرلیا گیا ۔  

وزیر پارلیمانی امور مرتضی جاوید عباسی دونوں بل پیش کرنے کی تحریک ایوان میں پیش کی ۔ ایوان میں اپوزیشن کی جانب سے شور شرابہ بھی کیا گیا اور اپوزیشن ارکان چیئرمین سینیٹ کی نشست کے سامنے پہنچ گئے۔

سینیٹ کا اجلاس پیر کی شام 4 بجے تک ملتوی کردیا گیا۔

یاد رہے کہ گزشتہ روز قومی اسمبلی نے نیب ترمیمی بل اور الیکشن ایکٹ 2017 ترمیمی بل منظور کئے تھے۔ بل کی منظوری کے بعد الیکٹرانک ووٹنگ مشین اور اوورسیز پاکستانیوں کی ووٹنگ سے متعلق سابق حکومت کی ترامیم ختم ہو گئی ہیں ۔