وزیراعظم کی زیرصدارت وفاقی کابینہ کااجلاس آج ہوگا

جی این این کے مطابق وزیراعظم شہباز شریف کی زیرصدارت کابینہ اجلاس میں ملک کی سیاسی اور معاشی صورتحال کا جائزہ لیا جائے گا ۔ 

کابینہ اجلاس پی ٹی آئی لانگ مارچ اور سپریم کورٹ فیصلوں پراراکین اپنی رائے دیں گے ۔ اجلاس میں  نیشنل کمیشن ہیومن رائٹس کے ممبراسلام آباد کی تعیناتی کی جائے گی جبکہ  ریلوے قوانین ترمیمی آرڈیننس 2022 کی منظوری دی جائے گی ۔ 

وفاقی کابینہ اجلاس میں  28 مئی کواقتصادی رابطہ کمیٹی کے فیصلوں کی توثیق بھی ایجنڈے میں شامل  ہے ۔ علاوہ ازیں وزیراعظم دورہ ترکی سے متعلق کابینہ اراکین کواعتماد میں لیں گے۔ 

دوسری جانب وزیراعظم شہباز شریف آج ترکی کے 3 روزہ سرکاری دورے پر بھی روانہ ہوں گے ، وزیراعظم شہباز شریف کی صدر رجب طیب اردوان سے وَن آن وَن ملاقات ہوگی۔