وزیر اعظم کا پاک برطانیہ تعلقات کو مضبوط بنانے کی پاکستان کی خواہش کا اعادہ

تفصیلات کے مطابق وزیراعظم   شہباز شریف نے برطانوی وزیراعظم بورس جانسن کے ساتھ ٹیلی فون پر گفتگو کرتے ہوئے  کہاکہ پاکستان برطانیہ کے ساتھ اپنے تعلقات کو قدر کی نگاہ سے دیکھتا ہے جو تاریخی روابط اور وسیع تر امور پرمشترکہ مفادات پرمبنی ہیں۔

وزیراعظم نے برطانیہ میں مقیم سولہ لاکھ پاکستانیوں کی طرف سے دونوں ملکوں کے درمیان تعلقات کومضبوط بنانے میں ان کے کردارکوسراہا۔

پاک برطانیہ توسیعی تذویراتی ڈائیلاگ کی اہمیت کاحوالہ دیتے ہوئے وزیراعظم نے مختلف شعبوں میں تعلقات کے فروغ کے لئے دس سالہ ڈائیلاگ تشکیل دینے کی تجویزدی ۔

شہبازشریف نے افغانستان میں امن واستحکام کی اہمیت اجاگر کرتے ہوئے انسانی بحران سے بچنے کے لئے کوششیں تیز کرنے کی ضرورت پرزوردیا۔