لاہور کے چلڈرن ہسپتال میں آتشزدگی 

جی این این کے مطابق چلڈرن ہسپتال لاہور میں علی الصبح  آگ بھڑک اٹھی ، آگ ہسپتال کے تیسرے فلور پر واقع میڈیسن  اسٹور پر لگی ، آگ کی وجہ سے میڈیسن سٹور میں موجود تمام ادویات جل کر خاکستر ہوگئیں۔ 

ریسکیو اور پولیس ٹیمیں جائے واقعہ  پر پہنچ گئیں ، پولیس ذرائع کے مطابق آگ پرتاحال  قابو  نہیں پالیا گیا ہے ۔

پولیس ذرائع کاکہنا ہے واقعے میں  کسی بھی قسم کے جانی نقصان کی کوئی اطلاع نہیں ملی ۔ 

پولیس ذرائع کاکہنا ہے کہ آگ پر قابو پانے کے بعد فرانزک ٹیموں کی مدد سے شواہد جمع کیے جائیں گے ۔

دوسری جانب وزیر اعلی پنجاب حمزہ شہباز  نے واقعے کی  انکوائری کا حکم  دیتے ہوئے سیکرٹری صحت سے رپورٹ طلب کرلی ہے ۔ 

وزیر اعلی پنجاب حمزہ شہباز   نے کہا کہ آتشزدگی کے واقعہ کی ہر پہلو سے تحقیقات کرکے رپورٹ پیش کی جائے ۔ واقعہ کی وجوہات کا تعین کیا جائے اور غفلت کے ذمہ داروں کے خلاف تادیبی کارروائی عمل میں لائی جائے۔