محکمہ موسمیات نے بارشوں کی نوید سنادی

جی این این  کے مطابق گرمی سے ستائے شہریوں  کیلئے اچھی خبر آگئی ، محکمہ موسمیات کے مطابق ملک بھر میں پری مون سون بارشوں کا آغاز 11 جون سے ہوگا ، ملک بهر میں بارش کا ا سپیل ہفتے سے  داخل ہو گا۔ 

محکمہ  موسمیات کے مطابق پنجاب ،سندھ ،خیبر پختونخو،ا گلگت بلتستان ،بلوچستان کے شمال مشرقی علاقہ جات میں  بارشوں کا امکان ہے ۔ بارشوں سے شدید گرمی کا زور ٹوٹ جائے گا۔ 

محکمہ موسمیات کے مطابق مغربی ہواؤں کے کم از کم 2 سلسلے اس ہفتے متاثر کرینگے جن کے سبب کہیں کہیں گرد کے طوفان اور گرج چمک کیساتھ بارش کا امکان ہے۔ ژالہ باری اور آسمانی بجلی کا خدشہ موجود رہیگا۔

محکمہ موسمیات کی جانب سے تمام متعلقہ محکموں کو الرٹ جاری کر دیا گیا  ہے۔