پیٹرولیم مصنوعات کی قیمتوں میں آج کوئی اضافہ نہیں کیاجارہا:وزیر خزانہ

تفصیلات کے مطابق پیٹرولیم مصنوعات کی قیمتوں میں اضافے سے متعلق خبروں پر رد عمل دیتے ہوئے وزیر خزانہ مفتاح اسماعیل نے کہا ہے کہ پیٹرولیم مصنوعات کی قیمتوں میں آج کوئی اضافہ نہیں کیا جا رہا۔

انہوں نے کہا کہ پری بجٹ بزنس کانفرنس میں پیٹرولیم مصنوعات قیمتوں میں اضافہ سے متعلق کوئی بات نہیں کی گئی، فی الحال پیٹرولیم مصنوعات کی قیمتیں بڑھانے کی سمری یا منصوبہ نہیں ہے۔

واضح رہے کہ حکومت حال ہی میں پیٹرول کی قیمت میں 60 روپے تک کا اضافہ کر چکی ہے جبکہ وزیر خزانہ مفتاح اسماعیل نے پیٹرولیم مصوناعات کی قیمتوں میں مزید اضافے کا عندیہ بھی دے رکھا ہے۔