ن لیگ اور پیپلز پارٹی کا ضمنی الیکشن مل کر لڑنے کا فیصلہ

تفصیلات کے مطابق وزیر اعلیٰ پنجاب حمزہ شہباز شریف نے 7 جون کو بلاول ہاؤس میں پیپلزپارٹی کے شریک چیئرمین آصف علی زرداری کی جانب سے دیے گئے ظہرانے میں شرکت کی، ملاقات میں سابق صدر آصف علی زرداری نے حمزہ شہباز شریف کو پنجاب کی وزارت اعلیٰ کا منصب سنبھالنے پر مبارک باد دی اور دونوں رہنماؤں نے ورکنگ ریلیشن شپ کو مزید مضبوط بنانے پر اتفاق کیا۔
  
میڈیا رپورٹس کے مطابق ملاقات میں باہمی دلچسپی کے امور، سیاسی صورت حال اور ورکنگ ریلیشن شپ پر تبادلہ خیال کیا گیا جبکہ ضمنی انتخابات مشترکہ طور پر لڑنے پر بھی اتفاق کیا گیا۔

وزیراعلیٰ پنجاب حمزہ شہباز نے کہا کہ عوام کی خدمت کے سفر میں تعاون کلیدی حیثیت رکھتا ہے، ہمارا اتحاد عوامی خدمت کے لیے ہے، پیپلز پارٹی ہماری اتحادی جماعت ہے جسے ساتھ لے کر چلیں گے، ورکنگ ریلیشن شپ کو مزید بہتر بنانے کے حوالے سے مشاورت کا عمل جاری رہے گا۔

ملاقات کے دوران دونوں رہنماؤں کے علاوہ عطاتارڑ، ملک محمد احمد علی، خواجہ سلمان رفیق، عمران گورایہ، وزیر اعلیٰ سندھ مراد علی شاہ، شرجیل میمن، ڈاکٹر عاصم حسین، سید علی حیدر گیلانی اور سید حسن مرتضی بھی موجود تھے۔