نامعلوم شخص وزیراعظم آزاد کشمیر کے کمرے تک پہنچ گیا

 نامعلوم شخص وزیراعظم آزاد کشمیر کے کمرے تک پہنچ گیا۔میڈیا رپورٹس کے مطابق وزیراعظم آزاد کشمیر ہاؤس کی سیکیورٹی میں سنگین کوتاہی کا معاملہ سامنے آیا ہے۔

ایک نامعلوم شخص وزیراعظم آزاد کشمیر کے کمرے تک پہنچ گیا۔۔یہ واقعہ جمعہ اور ہفتے کی درمیانی شب پیش آیا۔وزیراعظم سردار تنویر الیاس کے بروقت ہوشیار ہو جانے پر نامعلوم شخص فرار ہونے میں کامیاب ہوا۔ 

وزیراعظم کے ترجمان ڈاکٹر عرفان نے واقعے کی تصدیق کی ہے۔واقعے پر وزیراعظم نے اپنے پرنسپل سیکریٹری سمیت 2 ڈی آئی جیز کو بھی معطل کر دیا۔ترجمان کے مطابق وزیراعظم کا تمام سیکیورٹی اسٹاف تبدیل کر دیا گیا ہے۔

واقعے کی اعلیٰ سطح کی تحقیقات کا فیصلہ کیا گیا ہے۔وزیراعظم ہاؤس کی لیپس میں کوئی اندر کا آدمی ملوث ہو سکتا ہے۔ترجمان کے مطابق وزیراعظم آزاد کشمیر کو پہلے سے بھی سیکیورٹی خطرات کا سامنا تھا۔