بھارت پرامن مظاہرین کیخلاف وحشیانہ طاقت کااستعمال بندکرے:صدرمملکت

تفصیلات کے مطابق صدرمملکت ڈاکٹر عارف علوی نے بھارت میں پر امن مسلم مظاہرین کے خلاف وحشیانہ طاقت کےاستعمال کی مذمت کی پر زور مذمت کی ہے۔

انہوں نے کہا کہ مظاہرین کے خلاف طاقت کا وحشیانہ استعمال غیر منصفانہ اور قابل مذمت ہے، بھارت اپنی ہندوتوا پالیسیاں ترک کرے،اقلیتوں کونشانہ بنانا اور ان کےمذہبی جذبات مجروح کرنا بند کیاجائے۔

صدر مملک نے کہا کہ بھارت مسلمانوں کے خلاف نفرت پھیلانےکےبڑھتے واقعات کو روکے، پرامن مظاہرین کے خلاف وحشیانہ طاقت کااستعمال بندکرے۔

صدر عارف علوی نے نے بھارت سے حضورﷺکی شان میں گستاخی کےذمہ داروں کے خلاف کارروائی کا مطالبہ کیا، انہوں نے عالمی برادری سے بھی بھارت میں اسلاموفوبیا کی بگڑتی ہوئی صورت حال کا نوٹس لینے کا مطالبہ کیا۔

واضح رہے کہ بی جے پی رہنماؤں کی جانب سے پیغمبر اسلامﷺ سے متعلق نازیبا بیان کے بعد بھارت کو دنیا بھر کے اسلامی ممالک کی طرف سے شدید احتجاج کا سامنا ہے۔

س ضمن میں کئی مسلم ممالک کی جانب ےس بھارتی سفیروں کو طلب کرکے احتجاجی مراسلے تھمائے گئے جبکہ وسطی ایشیائی ممالک میں بھارتی مصنوعات کے بائیکاٹ کی مہم بھی زور و شور سے جاری ہے۔ 

گستاخانہ بیان کے بعد بھارت میں بھی مسلمانوں کی جانب سے شدید احتجاج کیا جارہا ہے، جس میں ہزاروں کی تعداد میں لوگ شریک ہورہے ہیں جبکہ بھارتی حکومت پرامن مظاہرین کو منتشر کرنے کے لیے ان پر بدترین تشدد کر رہی ہے۔