سندھ کا بجٹ آج پیش کیا جائے گا

تفصیلات کے مطابق نئے مالی سال کے بجٹ کا کل حجم 1600 ارب روپے سے زائد ہونے کا امکان ہے ۔ وزیراعلیٰ سندھ مراد علی شاہ بجٹ پیش کریں گے۔

رپورٹس کے مطابق بجٹ میں سالانہ ترقیاتی اسکیموں کیلئے 320 ارب روپے سے زائد مختص کرنے کی تجویز دی گئی ہے۔

بجٹ میں کراچی کیلئے 250 مزید بسوں کی خریداری کے لئے رقم مختص کی جائے گی ۔ بجٹ میں کوئی اضافی ٹیکس نہیں لگایا جائے گا۔ 

 بجٹ میں سندھ کے ڈویژنل ہیڈ کوارٹرز میں سائنس میوزیم قائم کرنے کی بھی تجویز ہے ، سیف سٹی منصوبہ اور فرانزک لیبارٹری کیلئے رقم مختص کی جائے گی۔

سندھ کے بجٹ میں انفارمیشن سائنس اینڈ ٹیکنالوجی کے شعبے میں خاطر خواہ اضافے کا امکان ہے۔