خیبرپختونخوا : نانبائیوں کا کل سےشٹر ڈاؤن ہڑتال کا فیصلہ

تفصیلات کے مطابق  صدر نانبائی ایسوسی ایشن کا کہنا ہے کہ 15 جون سے مکمل شٹر ڈاؤن ہڑتال ہوگی۔  نانبائیوں نے روٹی کی قیمت بڑھانے کا مطالبہ کردیا ۔

صدر نانبائی ایسوسی ایشن  کاکہنا ہے کہ ہمیں روٹی کی قیمت بڑھانے کی اجازت دی جائے یا آٹے کی قیمت کم کی جائے، انہوں  نے مطالبہ کیا کہ 120 گرام روٹی کی قیمت 20 روپے مقرر کی جائے۔

ان کا کہنا تھا کہ 80 کلو آٹے کا تھیلہ 7 ہزار روپے سے بڑھ گیا ہے ، آٹے کی قیمت زیادہ ہونے کی وجہ سے کم قیمت میں روٹی فروخت کرنا مشکل ہے ، ضلعی انتظامیہ مذاکرات نہیں کرتی، نہ کرے ہم مزید نقصان برداشت نہیں کرسکتے، دکانیں بند ہوں گی۔