اداکارہ دیپیکا پڈوکون کی طبیعت ناساز، اسپتال منتقل کر دیا گیا

بھارتی میڈیا رپورٹ کے مطابق معروف اداکارہ دیپیکا پڈوکون اپنی نئی فلم ’K‘ کے سیٹ پر تھیں جب انہوں نے گھبراہٹ کی شکایت کی۔

انہیں فوری طور پر اسپتال لے جایا گیا جہاں ڈاکٹرز نے ان کا معائنہ کر کے ’’سب ٹھیک ہے‘‘ کی رپورٹ دی، جس کے بعد وہ دوبارہ سیٹ پر چلی گئیں۔

دیپیکا حیدرآباد میں ساؤتھ انڈین اداکار پرابھاس کے ساتھ فلم کی عکسبندی میں مصروف ہیں۔

یہ ان کی پرابھاس کے ساتھ پہلی فلم ہوگی، اس فلم میں امیتابھ بچن اور دیشا پٹانی بھی شامل ہیں۔