اسلام آباد ، پشاور سمیت  ملک کے مختلف شہروں میں زلزلے کے جھٹکے 

جی این این کے مطابق  ملک کے مختلف شہروں میں زلزلے کے جھٹکے محسوس کیے گئے ہیں ، زلزلے کے باعث لوگوں میں خوف و ہراس پھیل گیااور لوگ کلمہ طیبہ کا ورد کرتے گھروں سے باہر نکل آئے ۔ 

اسلام آباد ، پشاور ، چارسدہ ،  مردان ، نوشہرہ ، شانگلہ، صوابی ،  لوئر دیر ، لنڈی کوتل کے گردونواح بھی زلزلے سے لرز اٹھے ۔ 

پنجاب کے بھی مختلف شہروں  گوجرانوالہ ، میانوالی ، جلال پور بھٹیاں ، جھنگ، سرگودھا میں بھی زلزلے کے جھٹکے محسوس کیے گئے ہیں ۔ 

زلزلہ پیما مرکز  کے مطابق ریکٹرسکیل پر زلزلے کی شدت 5.0 ریکارڈ کی گئی ہے ، زلزلے کی زیرزمین گہرائی 218 کلومیٹر تھی ۔

زلزلے کا مرکزافغانستان تاجکستان بارڈر ریجن تھا۔

زلزلے سے تاحال  کسی جانی و مالی نقصان کی اطلاع موصول نہیں ہوئی ۔