فیٹف میں کامیابی 4سالوں کی مسلسل محنت کانتیجہ ہے:حنا ربانی کھر

سماجی رابطے کی ویب سائیٹ ٹوئیٹر پر جاری پیغام میں حنا ربانی کھر نے کہا کہ فنانشل ایکشن ٹاسک فورس (فیٹف) نے پاکستان کے دونوں ایکشن پلان کو مکمل قرار دے دیا ہے۔

انہوں نے کہا کہ  بین الاقوامی برادری نے متفقہ طور پر ہماری کوششوں کو سراہا ہے، ہماری کامیابی 4 سال کے مشکل سفر کا نتیجہ ہے،پاکستان اس رفتار کو جاری رکھنے، معیشت کو فروغ دینے کے عزم کا اعادہ کرتا ہے۔

Congrats Pak! FATF declares both Action Plans complete. Intl community has unanimously ack our efforts. Our success is the result of 4 yrs of challenging journey. Pak reaffirms resolve to continue the momentum and give our economy a boost. Well done Pak Team FATF. Pak Zindabad!

— Hina R Khar (@HinaRKhar) June 17, 2022

واضح رہے کہ جرمنی کے شہر برلن میں ہونے ایف اے ٹی ایف کے 4 روزہ اجلاس کے بعد جاری اعلامیے میں کہا گیا ہے پاکستان نے 34 نکات پر مشتمل 2 ایکشن پلان کے تمام نکات پر عمل کر لیا ہے، تاہم ابھی گرے لسٹ سے نکالنے کے حوالے سے باضابطہ اعلان نہیں کیا گیا۔

اس حوالے سے ایف اے ٹی ایف کے صدر ڈاکٹر مارکس نے کہا کہ پاکستان نے دونوں ایکشن پلان پر وقت سے پہلے عملدرآمد کیا، 2 سال میں 5 بارانسداد دہشتگری کے اقدامات کاجائزہ لیا گیا، پاکستان کو مزید اقدامات کرنے کی ضرورت نہیں ہے، ایف اے ٹی ایف کا وفد جلد پاکستان کا دورہ کرے گا جس کے بعد شرائط کی تکمیل کی تصدیق کی جائے گی۔