وفاقی کابینہ کا اجلاس آج ہوگا

تفصیلات کے مطابق وزیراعظم کی زیر صدارت ہونے والے وفاقی کابینہ اجلاس میں 7 نکاتی ایجنڈا پر غور کیا جائے گا ۔ 

کابینہ اجلاس کے ایجنڈے میں ملکی اور بین الاقوامی سکوک بانڈ کے اجراء کی منظوری شامل  ہے جبکہ سکوک بانڈز قانونی رکاوٹ کے بغیر اداروں کے عوض جاری ہوں گے۔

کابینہ کو جی ایس پی پلس سٹیٹس سے متعلق اور ٹریڈ آرگنائزیشن ایکٹ کےتحت اپیل پر بریفنگ دی جائے گی۔  

وفاقی کابینہ اجلاس میں مختلف امور پر ویزہ پالیسی میں تبدیلی سے متعلق غور کیا جائے گا ۔ 

اجلاس میں کورونا سے بچاو کے انجکشن ریمیڈیسور کی قیمت میں کمی کی منظوری دی جائے گی۔ 

کابینہ لاہور ، ملتان،فیصل آباد،اسلام آباد،پشاور،کوئٹہ،کراچی سکھر ائیر پورٹس پر انسداد منی لانڈرنگ پولیس سٹیشن بنانے کی منظوری دے گی. 
کابینہ اجلاس میں اقتصادی رابطہ کمیٹی کے فیصلوں کی توثیق بھی ہوگی ۔