حکومت روشن ڈیجیٹل اکاؤنٹس سکیم کی بھرپور حمایت کرتی ہے : وزیراعظم

 تفصیلات کے مطابق سماجی رابطے کی ویب سائٹ  ٹوئٹر پر ایک پیغام میں وزیراعظم شہبازشریف  نے  کہا کہ انہیں یہ جان کر خوشی ہوئی ہے کہ گزشتہ روز سٹیٹ بینک کو 5 کروڑ70 لاکھ ڈالر موصول ہوئے جو ایک دن میں سب سے زیادہ موصول ہونے والی ترسیلات زرہیں۔

وزیراعظم نے کہا کہ ہماری حکومت روشن ڈیجیٹل اکاونٹس سکیم کی بھرپور حمایت کرتی ہے ۔ 

ان کا کہنا تھا کہ ہمارے مجموعی ڈیپازٹ اب ساڑھے چار ارب ڈالر سے تجاوز کرگئے ہیں ۔

وزیراعظم نے اپنے وطن پر اعتماد کرنے پر بیرون ملک مقیم پاکستانیوں کا شکریہ ادا کیا۔