چیف جسٹس اطہر من اللہ نے ہمیشہ پارلیمان کو طاقتور کیا :فواد چودھری

سماجی رابطے کی ویب سائیٹ ٹوئیٹر پر جاری ایک پیغام میں رہنما پاکستان تحریک انصاف فواد چودھری نے کہا کہ چیف جسٹس اطہر من اللہ نے ہمیشہ پارلیمان کو طاقتور کیا ہے، ایسے جج جمہوریت کے لیے ناگزیر ہیں۔

انہوں نے کہا کہ اطہر من اللہ ان چند ججوں میں سے ایک ہیں جنہوں نے کبھی بھی پارلیمان کی بے توقیری میں خوشی محسوس نہیں کی۔

سابق وفاقی وزیر کا مزید کہنا تھا کہ فیصلہ کسی کے حق یا اس کے خلاف نہیں بلکہ آئین اور قانون کے مطابق ہونا چاہیے، کسی ذاتی خواہش پر نہیں۔

چیف جسٹس اطہر من اللہ نے ہمیشہ پارلیمان کو طاقتور کیا ہے ان چند ججوں میں ہیں جنہوں نے ایک دفعہ بھی پارلیمان کی بے توقیری میں خوشی محسوس نہیں کی ایسے جج جمہوریت کیلئے ناگزیرہیں فیصلہ حق یا خلاف نہیں ،آئین اور قانون کے مطابق ہونا چاہئے کسی ذاتی خواہش پر نہیں https://t.co/9bjwTbmwlq

— Ch Fawad Hussain (@fawadchaudhry) June 27, 2022