ذی الحج کا چاند نظر نہیں آ یا، رویت ہلال کمیٹی لاہور

تفصیلات کے مطابق ذی الحج کا چاند دیکھنے کے لیے مرکزی رویت ہلال کمیٹی کا اجلاس چیئرمین مولانا عبدالخبیر آزاد کے زیر صدارت  محکمہ موسمیات کے دفتر کراچی میں جاری ہے جبکہ اس حوالے سے زونل کمیٹیوں کے اجلاس بھی جاری ہیں۔

مرکزی رویت ہلال کمیٹی کے اجلاس میں مرکزی اور زونل رویت ہلال کمیٹی کے اراکین، محکمہ موسمیات سمیت متعلقہ اداروں کے حکام بھی شریک ہیں۔ 

تازہ اطلاعات کے مطابق زونل کمیٹی لاہور نے اعلان کیا ہے کہ ذی الحج کا چاند نظر نہیں آیا، عیدالاضحٰی 10 جولائی بروز اتوار کو ہو گی، تاہم اس حوالے سے حتمی اعلان مرکزی رویت ہلال کمیٹی کرے گی۔

اس حوالے سے ڈائریکٹر مذہبی امور پنجاب نے بتایا کہ ذی الحج کا چاند آج صبح 7 بج کر 52 منٹ پر پیدا ہوا،غروبِ آفتاب کے وقت چاند کی عمر 11 گھنٹے اور 49 منٹ ہے، پنجاب میں غروب آفتاب کا وقت 7 بج کر 13 منٹ ہے۔

انہوں نے کہا کہ چاند 7 بج کر 45 منٹ یعنی 32 منٹ تک دیکھ جا سکتا ہے، چاند کی عمر 19گھنٹے سے کم ہو تو ملک کے کسی کونے میں کہیں نظر نہیں آتا، چاند کی عمر 26 گھنٹے تک ہو جائے تو وہ نظر آ سکتا ہے۔