سندھ پولیس کی ٹیم دعا زہرا کو لینے کیلئے لاہور پہنچ گئی

تفصیلات کے مطابق ذرائع کے مطابق محکمہ داخلہ سندھ نے دعا زہرا کو کراچی منتقل کرنے کی اجازت دی ہے ۔ ڈی ایس پی شوکت شاہانی کا کہنا ہے کہ دعا زہرا کو میڈیاکل بورڈ کے سامنے پیش کرنے کے لیے تمام قانونی راستے اختیار کیے جارہے ہیں ، لاہور کی متعلقہ پولیس اور اجازت کے بعد دعا زہرا کو کراچی منتقل کیا جائے گا۔

دعا زہرہ کو لینے ڈی ایس پی شوکت علی شاہانی  اور لیڈی کانسٹیبل عزیز سلطان کے ہمرا اہلکار بھی جائیں گے ۔ 

واضح رہے کہ گزشتہ روز دعا زہرا کی عمر کے تعین کے لیے سروسز اسپتال میں میڈیکل بورڈ کا اجلاس کیا گیا تھا جس میں کمیٹی کے تمام ممبران نے شرکت کی تھی۔

اجلاس میں دُعا زہرا کے والد، وکیل جبران ناصر اور تفتیشی افسر پیش ہوئے جبکہ پولیس دعا زہرا کو میڈیکل بورڈ کے سامنے پیش نہیں کرسکی تھی۔

یاد رہے کہ 8 جون کو سندھ ہائیکورٹ نے دعا زہرا کیس کا تحریری حکم نامہ جاری کیا تھا جس میں کہا گیا تھا کہ دعا اپنی مرضی سے کہیں بھی جاسکتی ہے۔