بچے کو کرنٹ لگنے پر عدالت کا کے الیکٹرک کے خلاف بڑا حکم

تفصیلات کے مطابق  کے الیکٹرک کی غفلت سے بارہ سالہ لڑکے کو  کرنٹ لگنے کے کیس میں  عدالت نے کے الیکٹرک کے خلاف بڑا حکم دے دیا۔عدالت نے  کے الیکٹرک انتظامیہ کو متاثرہ بچے کو ڈیڑھ کروڑ روپے ہرجانہ دینے کا حکم دیا۔

درخواست میں موقف اختیار کیا گیا تھا کہ بارہ سالہ سفیر 26 نومبر 2013 کو کرنٹ لگنے سے بری طرح متاثر ہوا تھا،  واقعہ میں عارف محمد نامی شخص جاں بحق ہوگیا تھا ۔

عدالت نے کہا کہ  شواہد سے کے الیکٹرک کی غفلت ثابت ہوتی ہے، بجلی فراہم کرنے والا ادارہ تاروں کی مرمت کا بھی پابند ہے، ٹوٹے اور کھلے تار انسانی زندگی کیلئے خطر ناک ہیں۔ عدالت نے حکم دیتے ہوئے کہا کہ کے الیکٹرک متاثرہ فریق کو ہرجانہ ادا کرے۔

واضح رہے کہ 12 سالہ سفیر 26 نومبر 2013 کو کرنٹ لگنے سے بری طرح متاثر ہوا تھا، اس واقعے میں عارف محمد نامی شہری جاں بحق بھی ہو گیا تھا۔