امریکی صدر جوبائیڈن نے پاکستانی قیادت کو یکسر نظر انداز کر دیا

تفصیلات کے مطابق  امریکی صدر جوبائیڈن کی میزبانی میں ماحولیات پر سربراہ اجلاس ، پاکستان، امریکی میزبانی میں منعقدہ اجلاس میں یکسر نظر انداز کردیا گیا،پاکستان نے بائیڈن انتظامیہ کے رویے پر تحفظات کا اظہار ، پالیسی بیان جاری کردیا۔

ترجمان دفتر خارجہ کے مطابق  امریکی میزبانی میں 80 فیصد عالمی آلودگی کا سبب ممالک کو دعوت دی گئی،اجلاس میں علاقائی، کم ترقی یافتہ ممالک، چھوٹے جزائر بھی شامل ہیں،پاکستان، موسمیاتی تبدیلیوں سے متاثرہ پہلے 10 ممالک میں شامل ہے، پاکستان دنیا میں کم ترین آلودگی پھیلانے والا ملک ہے۔

 ترجمان دفتر خارجہ نے کہا کہ  موسمیاتی تبدیلی حالیہ دور کا انتہائی گھمبیر چیلنج ہے، موسمیاتی تغیر سے مشترکہ، معاون، دور رس پالیسیز سے ہی نمٹا جا سکتا ہے، پاکستان، موسمیاتی تبدیلیوں سے نمٹنے میں اپنا بھرپور کردار ادا کرنے کیلئے پرعزم ہے،وزیراعظم کی قیادت میں پاکستان کے تحفظ ماحولیاتی  عزم سراہا جاتا ہے۔

زاہد حفیظ چوہدری کا کہنا ہے کہ  حکومت کے بلین ٹری سونامی اقدام کو عالمی اقتصادی فورم سمیت بین الاقوامی پذیرائی ملی، پاکستان، اقوام متحدہ فریم ورک کنونشن ماحولیاتی تغیر کا نائب صدر ہے، پاکستان اربوں ڈالرز کے گرین کلائیمٹ فنڈ کا شریک چیئرمین ہے،سال 2020ء میں قائم شدہ فنڈ کا مقصد ترقی پذیر ممالک میں ماحولیاتی اقدامات کی حمایت ہے۔

امریکی صدر جوبائیڈن نے 40 ممالک کے سربراہان کو ورچوئل اجلاس کیلئے دعوت دی ہے،امریکی میزبانی میں منعقدہ موسمیاتی تغیر اجلاس میں روس، چین، بھارت، بنگلہ دیش بھی شریک ہیں ،امریکی صدر جوبائیڈن نے پاکستانی قیادت کو یکسر نظر انداز کر دیا۔