وزیراعظم نے پیٹرولیم قیمتوں میں بڑی کمی کا اعلان کردیا

وزیراعظم شہباز شریف نے قوم سے خطاب کرتے ہوئے کہا کہ ہم نے حکومت سنبھالی تو تباہ حال معیشت ملی، پچھلی حکومت نے آئی ایم ایف سے سخت شرائط پر معاہدہ کیا اور اس معاہدے کی دھجیاں بکھیر دیں۔

ان کا کہنا ہے کہ عالمی مارکیٹ میں پیٹرولیم قیمتیں آسمان سے باتیں کررہی تھیں، انہوں نے ہماری حکومت کیلئے بارودی سرنگیں بچھادیں، اس کی مثال ہے کہ ہماری حکومت کو مشکلات میں ڈالنے کیلئے تیل کی قیمتوں میں کمی کردی، جس کیلئے خزانے میں پیسے موجود نہیں تھے۔

وزیراعظم کا کہنا تھا کہ پیٹرول کی قیمت میں 18 روپے 50 پیسے فی لیٹر کمی کررہے ہیں جب کہ ڈیزل کی قیمت میں 40 روپے 54 پیسے فی لیٹر کمی کررہے ہیں، پیٹرول اور ڈیزل کی قیمتوں میں کمی کا اطلاق آج رات 12 بجے سے ہوگا۔