عوام ہار گئے مفاد پرست جیت گئے:سراج الحق

سماجی رابطے کی ویب سائیٹ ٹوئیٹر پر جاری سلسلہ وار ٹوئیٹس میں امیر جماعت اسلامی سراج الحق نے کہا کہ اسمبلیاں قانون ساز اداروں کے بجائے اصطبل میں تبدیل ہو گئیں۔

انہوں نے کہا کہ خریدار بھی موجود اور فروخت ہونے والے بھی، کوئی بھی شخص دولت کے زور پر پورا ایوان خرید سکتا ہے، جو کچھ ہو رہا ہے، قوم کے سر شرم سے جھک گئے ہیں، عوام ہار گئے جبکہ مفاد پرست جیت گئے ہیں۔

امیر جماعت نے کہا کہ پاکستان قانون کی بالادستی اور شفاف جمہوری عمل سے ہی آگے بڑھ سکتا ہے، عوام کو فیصلہ سازی سے محروم رکھا گیا تو حالات بد سے بدتر ہوتےجائیں گے۔

ان کا مزید کہنا تھا کہ کرپٹ سرمایہ داروں نےدولت سے پولنگ اسٹیشنز، ووٹ اورارکان اسمبلی خریدنےکا عمل جاری رکھا تو عوام کا آئین و جمہوریت اور قانون سے یقین اٹھ جائے گا۔