پاکستان
امید ہے سپریم کورٹ دباؤ میں نہیں آئے گی: فواد چوہدری
اسلام آباد: پی ٹی آئی رہنما فواد چوہدری نے اتحادی جماعتوں کی جانب سے کی گئی پریس کانفرنس پر ردِ عمل کا اظہار کرتے ہوئے کہا کہ حکومت کی جانب سے پریس کانفرنس اپنا سامان باندھنے کا اعلان تھا، سپریم کورٹ کو دباؤ میں لانے کی کوشش کی گئی ، امید ہے کہ سپریم کورٹ دباؤ میں نہیں آئے گی۔
تفصیلات کے مطابق تحریک انصاف کے رہنما فواد چوہدری نے سابق وفاقی وزیر شیریں مزاری کے ہمراہ پریس کانفرنس کے دوران امید ظاہر کی کہ سپریم کورٹ دباؤ میں نہیں آئے گی کیونکہ بائیس کروڑ لوگ اس سے انصاف کی توقع کر رہے ہیں۔
ان کا کہنا تھا کہ بہت افسوس ہے کہ یہ مقدمہ لائیو دکھانے کی اجازت نہیں ، اگر لائیو ہوتا تو ساری دنیا دیکھتی جج صاحبان نے انتہائی بدتمیزی اور بدتہزیبی کو برداشت کیا ، پی ڈی ایم کے وکیل کمزور دلائل کی وجہ سے بدتمیزی پر زور دیتے رہے ، یہ کیس انتہائی کمزور ہے صرف دباؤ ڈال کر کارروائی لمبی کرنے کی کوشش ہے۔
فواد چوہدری نے نائب صدر مسلم لیگ ن مریم نواز پر تنقید کرتے ہوئے کہا کہ مریم نواز کو کس حیثیت سے وزیراعظم ہاوس میں بٹھایا گیا ، مریم نواز نے عدلیہ کے خلاف پریس کانفرنس کی ، وہ ضمانت پر ہیں ان کی اپیل 3 سال سے ختم نہیں ہوئی ، مریم کو جیل جانا چاہیے، ان کے والد اربوں روپے کی کرپشن میں ملوث ہیں، نواز شریف لندن کے تمام ریسٹورنٹ کی سیر کر رہے ہیں۔
ان کاکہنا تھا کہ یہ لوگ سپریم کورٹ کو بلیک میل کرنا شروع ہو گئے ہیں، ڈپٹی اسپیکر نے اپنے بالوں سے خط نکالا اور رولنگ دی، یہ بے شرم آدمی ہیں جو ملک سے فرار ہوگئے۔
انہوں نے سپریم کورٹ سے مطالبہ کیا کہ پریس کانفرنس کرنے والوں کو ای سی ایل میں ڈالا جائے۔
ان کا کہنا تھا کہ جنہوں نے پریس کانفرنس کی ان کی حیثیت کیا ہے، جن کی اپنے حلقوں میں حیثیت نہیں انہیں اکٹھا کیا ہوا ہے۔
فواد چوہدری کا کہنا ہے کہ پیپلز پارٹی سندھیوں کے ساتھ 14 سال سے جو سلوک کر رہی ہے وہ سب کے سامنے ہے، اس نے سندھ حکومت کے پیسے اسلام آباد میں لگائے، اس کا پنجاب سے تعلق کیا رہ گیا ہے، صرف 6 سیٹیں ہیں ان کی۔
سابق وفاقی وزیر کا کہنا تھا کہ اسلم بھوتانی بے شرم آدمی ہیں جو مانتے ہیں کہ میں اسٹیبلشمنٹ کا چمچہ ہوں، بے شرمی کی تصویر لگانی ہو تو ان کی تصویر لگا دیں۔
فواد چوہدری نے مولانا فضل الرحمٰن پر تنقید کرتے ہوئے کہا کہ مولانا فضل الرحمٰن کا پنجاب سے تعلق کیا ہے، ان کی حیثیت کیا ہے، ان کے پنجاب میں 5 فیصد ووٹ بھی نہیں ، یکجا ہو کر بھی انہوں نے عمران خان سے شکست کھائی ہے ، انہیں جوتے کھا کر گھر جانے کی عادت ہے۔
فواد چوہدری نے کہا ہے کہ عوام کو مبارک باد دیتا ہوں، 11 چہروں سے ملک کی جان چھوٹ رہی ہے، 11 لوگوں نے اقتدار میں اب کبھی نہیں آنا۔
پریس کانفرنس کے دوران فواد چوہدری نے کہا کہ رولنگ کے بارے میں تو ان 11 لوگوں نے بات ہی نہیں کی ، پاکستان کی ریاست کے ولن کے چہرے آج نظر آئے ہیں، ہم چاہتے تھے کہ رات کو ہی عدالت میں سماعت ہونی چاہیے، فل کورٹ کے مطالبے کا مقصد صرف کیس لمبا کرنا ہے۔
پی ٹی آئی رہنما کا کہنا تھا کہ سپریم کورٹ کو پنجاب کے کیس کا فیصلہ دینا چاہیے ، پنجاب 3 ماہ سے بغیر حکومت کے چل رہا ہے، گورنر پنجاب اور وزیرِ اعلیٰ پنجاب کل توہینِ عدالت کے مرتکب ہوئے ہیں ، حمزہ شہباز ووٹ سے نہیں، سپریم کورٹ کے آرڈر سے وزیرِ اعلیٰ بنے ہوئے ہیں، حمزہ شہباز کس حیثیت سے وزیرِ اعلیٰ کی کرسی پر بیٹھے ہوئے ہیں؟
فواد چوہدری نے مزید کہا کہ تحریکِ انصاف کے پاس ووٹ زیادہ ہیں لیکن وہ اپوزیشن میں ہے، کروڑوں لوگ ہمارے ساتھ کھڑے ہوئے ہیں۔
پاکستان
وزیر خارجہ سینیٹر اسحاق ڈار نے شاعر مشرق علامہ محمد اقبال کو خراج عقیدت پیش کیا
ایران کے دفتر خارجہ کی عہدیدار ڈاکٹر معصومہ ایرانی نے عظیم شاعر کو خراج عقیدت پیش کرتے ہوئے کہا کہ علامہ اقبال اسلامی اقوام کے اتحاد اور مسلم ممالک کی یکجہتی پر یقین رکھتے تھے
وزیر خارجہ سینیٹر اسحاق ڈار نے شاعر مشرق علامہ محمد اقبال کو خراج عقیدت پیش کرتے ہوئے کہا ہے کہ عظیم شاعر اور فلسفی نے امت مسلمہ کو سوچ اور امید کی نئی جہت دی۔ یہ بات انہوں نے یہاں علامہ اقبال کونسل کے زیر اہتمام علامہ محمد اقبال کی یاد میں ’’بیادِ اقبال‘‘ کے عنوان سے منعقدہ خصوصی تقریب سے بحیثیت مہمان خصوصی خطاب کرتے ہوئے کہا۔ انہوں نے علامہ اقبال کونسل کے چیئرمین علامہ ذوالفقار احمد چیمہ کی سرپرستی میں اقبال کے فلسفے، زندگی اور خدمات کو فروغ دینے کے لیے اس اہم تقریب کے انعقاد کو سراہا۔ انہوں نے کہا کہ کوئی بھی قوم امید کے بغیر زندہ نہیں رہ سکتی جس کا درس اقبال نے بھی اپنی شاعری اور دیگر ادبی تصانیف میں دیا۔
انہوں نے کہا کہ علامہ اقبال نے امت مسلمہ کے درمیان اتحاد اور اسلامی تہذیب کے احیاء پر زور دیا۔ انہوں نے پاکستان کے عظیم مستقبل کے لیے پرامید ہونے کا اظہار کرتے ہوئے کہا کہ ایک ایٹمی طاقت ہونے کے ناطے ملک میں معاشی طاقت بننے کی تمام صلاحیتیں موجود ہیں۔ اسحاق ڈار نے اقبال کی تعلیمات کو اجاگر کرتے ہوئے نوجوانوں پر زور دیا کہ وہ مسلسل جدوجہد کریں، علم حاصل کریں اور تحقیق پر توجہ دیں۔ پاکستان میں ترکی کے سفیر ڈاکٹر مہمت پیکاسی نے بھی خطاب کیا اور علامہ محمد اقبال کو شاندار خراج عقیدت پیش کرتے ہوئے کہا کہ انہوں نے برصغیر کے مسلمانوں کے لیے پاکستان کا تصور ایک علیحدہ وطن کے طور پر پیش کیا۔
ایران کے دفتر خارجہ کی عہدیدار ڈاکٹر معصومہ ایرانی نے عظیم شاعر کو خراج عقیدت پیش کرتے ہوئے کہا کہ علامہ اقبال اسلامی اقوام کے اتحاد اور مسلم ممالک کی یکجہتی پر یقین رکھتے تھے۔ تاجکستان کے سفارت کار امام علی شفائی نے بھی علامہ محمد اقبال کی زندگی اور خدمات پر روشنی ڈالی اور انہیں شاندار الفاظ میں خراج عقیدت پیش کیا۔
جرم
بھارتی عوام نے مودی حکومت کا اسلام مخالف بیانیہ مسترد کردیا
سوشل میڈیا پر بھارتی عوام نے مودی کے مسلم مخالف بیانیے کو مسترد کرتے ہوئے کہا کہ مودی سرکار کے پاس کوئی اتھارٹی نہیں ہے کہ وہ بھارتی مسلمانوں کے خلاف غلط معلومات پھیلائے
مودی سرکار کے مسلم مخالف بیانیے کو عوام نے مسترد کر دیابھارت میں انتخابات سے قبل مودی سرکار کا ہندوتوا نظریہ زور پکڑنے لگا ہے۔ مودی سرکار مسلمانوں کے خلاف گھیرا تنگ کر کے مسلمانوں کے خلاف زہر گھول رہی ہے حال ہی میں راجھستان میں انتخابی ریلی کے دوران مودی نے مسلمانوں کو نشانے پر رکھ لیا۔مودی سرکار انتخابات کی مہم کے دوران فرقہ وارانہ نظریے کے فروغ کا کوئی موقع جانے نہیں دیتی۔
سوشل میڈیا پر بھارتی عوام نے مودی کے مسلم مخالف بیانیے کو مسترد کرتے ہوئے کہا کہ مودی سرکار کے پاس کوئی اتھارٹی نہیں ہے کہ وہ بھارتی مسلمانوں کے خلاف غلط معلومات پھیلائے، مودی فرقہ وارایت کی بنیاد پر منتخب ہونے والے سیاسی رہنما کے طور پر عہد پورے کر رہے ہیں، مودی کے جھوٹے دعوں کی حقائق پر مبنی فوری جانچ پڑتال کی جائے۔
بھارتی عوام نے الیکشن کمیشن سے مطالبہ کیا کہ وہ مودی کے ضابطہ اخلاق کی خلاف ورزی کرنے کے خلاف کارروائی کرے مذہبی نفرت حکومتی مرکزی دھارے میں شامل ہو گئی ہے جسکے نتائج بھارت کے لیے منفی ثابت ہوں گے۔ اس طرح کی باتوں کا سہارا ایک وزیر اعظم اور اسکی پارٹی کے لئے سب سے بڑی مایوسی کی علامت ہے۔مودی سرکار یہ سب الیکشن کی جیت اور عوام کی توجہ حاصل کرنی کے لیے کر رہی ہے، پوری دنیا نے دیکھا کہ مودی کی وجہ سے کس طرح پورے بھارت کو فرقہ وارایت کا سامنا کرنا پڑابھارتی عوام نے انتخابی مہم کے دوران مودی کے متعصبانہ رویے پر شدید مایوسی کا اظہار کیا۔بھارت کے سابق وزیر اعظم منموہن سنگھ نے کہا تھا کہ بھارت پر مسلمانوں کا پہلا حق ہے جبکہ مودی کونسے بھارت کو دنیا کے سامنے لانا چاہتا ہے۔ بھارتی جریدے دی وائر کے مطابق مودی نے نیشنل ڈیولپمنٹ کونسل کی میٹنگ میں منموہن سنگھ کے خطاب کی جان بوجھ کر غلط تشریح کی۔
مودی اپنے انتہا پسند نظریے کے تحت ہمارے لوگوں کو ذات پات، نسل، جنس اور مذہب کی بنیاد پر تقسیم کرنا چاہتے ہیں، اگر ہم ایک خوشحال اور مساوی بھارت کی امید رکھتے ہیں تو ہمیں اس متعصب سوچ سے باہر نکلنا ہو گا۔
کھیل
آئی سی سی ٹی 20 ورلڈکپ ٹرافی کی رونمائی، شائقین کی سیلفیاں
ورلڈ کپ کی ٹرافی کو پاکستان اور نیوزی لینڈ کے پانچویں ٹی 20 میچ کے دوران قذافی اسٹیڈیم میں رکھا جائے گا
آئی سی سی ٹی 20 ورلڈکپ کی ٹرافی پاکستان پہنچ گئی
ورلڈ کپ کی ٹرافی کی اسلام آباد کے مختلف مقامات پر رونمائی کی گئی۔ شکرپڑیاں میں ٹرافی کی رو نمائی کی تقریب میں عوام کی بڑی تعداد شریک ہوئی ۔ٹرافی کی رونمائی تاریخی مقام پاکستان مونومنٹ پر کی گئی۔ پاکستان مونومنٹ پر رکھی گئی ٹرافی کیساتھ شائقین نے خوب تصاویر بنوائیں اور پاکستان کی جیت کیلئے نیک خواہشات کا اظہار کیا۔
بعد ازاں ٹرافی کی رونمائی پارلیمنٹ ہائوس کے ساتھ ڈی چوک میں بھی کی گئی۔ ٹرافی کو ایبٹ آباد بھی لیجایا جائے گا جس کے بعد ورلڈ کپ کی ٹرافی پاکستان کرکٹ بورڈ(پی سی بی) کے ہیڈ کوارٹر لاہور کے اڑان بھرے گی۔
ورلڈ کپ کی ٹرافی کو پاکستان اور نیوزی لینڈ کے پانچویں ٹی 20 میچ کے دوران قذافی اسٹیڈیم میں رکھا جائے گا۔
آئی سی سی ٹی 20 ورلڈکپ ٹرافی کی رونمائی، شائقین کی سیلفیاں
بائیڈن کی غزہ پالیسی پر احتجاجاً امریکی محکمہ خارجہ کی خاتون ترجمان مستعفی
لاہور میں فری وائی فائی سروس کا آغاز
-
پاکستان 11 گھنٹے پہلےوزیر اعلی بننے کیلئے آگ کے دریا سے گزر کر پہنچی ہوں ، مریم نواز
-
تجارت ایک دن پہلےپاک ایران تجارتی حجم 10 ارب ڈالر تک بڑھانے پر اتفاق
-
کھیل ایک دن پہلےمحمد رضوان اور عرفان خان نیوزی لینڈ کے خلاف جاری ٹی ٹوئنٹی سیریز سے باہر
-
پاکستان 2 دن پہلےملک میں جمہوریت نام کی کوئی چیز نہیں ہے، عمران خان
-
پاکستان ایک دن پہلےعمران خان نے سنی اتحاد کونسل کے سربراہ حامد رضا کو پی اے سی کا چیئرمین نامزد کر دیا
-
تجارت 2 دن پہلےسونے کی فی تولہ قیمت میں 7 ہزار روپے سے زائد کی کمی
-
تجارت ایک دن پہلےچین کے ساتھ ملکر پاکستا ن میں سولر پینلز کا پلانٹ لگا ئیں گے ، اعظم نذیر تارڑ
-
جرم 13 گھنٹے پہلےبھارتی عوام نے مودی حکومت کا اسلام مخالف بیانیہ مسترد کردیا
