عائزہ خان نے ایک اور سنگ میل عبور کرلیا 

اداکارہ  عائزہ خان  انسٹا گرام پر 12 ملین فالوورز کے بعد  پاکستان میں اس ایپ  پر سب سے زیادہ فالو کی جانے والی پہلی اداکارہ بن گئی ہیں۔ 

عائزہ خان کے  انسٹاگرام پرگزشتہ ایک سال میں  فالوورز کی تعداد میں 20 لاکھ کا اضافہ ہوا۔

فالوورز کا ایک نیا سنگ میل عبور کیے جانے پر اداکارہ نے خوشی کا اظہار بھی کیا اور انسٹاگرام اسٹوری میں اپنے مداحوں کا شکریہ بھی ادا کیا۔

عائزہ خان کے انسٹا گرام اکاؤنٹ کا جائزہ لیا جائے تو وہ اپنے انسٹا اکاؤنٹ پر کافی متحرک ہیں اور  زیادہ تر اپنے نت نئے فوٹو شوٹس شیئر کرتی ہیں۔

 اداکارہ اپنی فیملی کے ہمراہ کئی دلکش تصویریں شیئر کرتے ہوئے اُن کے محبت بھرے پیغامات جاری کرتی ہیں جنہیں اُن کے فالوورز کی جانب سے خوب  سراہا جاتا ہے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Ayeza Khan (@ayezakhan.ak)

عائزہ خا ن کے بعد دوسرے نمبر پر سب سے زیادہ فالوورز رکھنے والی اداکارہ ایمن خان ہیں، جن کے فالوورز ایک کروڑ 60 ہزار ہیں۔