عمران خان کو کرپٹ ثابت کرنا اتنا ہی مشکل ہے جتنا نواز شریف کو ایماندار ثابت کرنا:فواد چودھری

سماجی رابطے کی ویب سائیٹ ٹوئیٹر پر جاری پیغام میں سابق وفاقی وزیر نے حکومتی ترجمان مریم اورنگزیب کو مخاطب کرتے ہوئے کہا کہ کینڈی کرش چمپئین تحریک انصاف کے خلاف کارروائی کی فکر چھوڑیں اس میں کچھ نہیں رکھا۔

انہوں نے بات جاری رکھتے ہوئے کہا کہ جلد آپ اور آپ کے خاوند گرامی سے سگریٹ انڈسٹری کو دی جانے والی مراعات کی انکوائری کا آغاز ہونا ہے، آپ اس کی فکر کریں۔

اپنے ٹوئیٹ میں فواد چودھری کا مزید کہنا تھا کہ سابق وزیر اعظم عمران خان کو کرپٹ ثابت کرنا اتنا ہی مشکل ہے جتنا نواز شریف کو ایماندار ثابت کرنا ہے۔

کینڈی کرش چمپئین تحریک انصاف کیخلاف کاروائ کی فکر چھوڑیں اس میں کچھ نہیں رکھا جلد آپ اور آپ کے خاوند گرامی سے سگریٹ انڈسٹری کو دی جانیوالی مراعات کی انکوائری کا آغاز ہونا ہے اس کی فکر کریں باقی عمران خان کو کرپٹ ثابت کرنا اتنا ہی مشکل ہے جتنا نواز شریف کو ایماندار ثابت کرنا

— Ch Fawad Hussain (@fawadchaudhry) August 4, 2022