سیکیورٹی فورسز کی میران شاہ میں خفیہ اطلاعات پر کارروائی،ایک دہشت گرد ہلاک

پاک فوج کے شعبہ تعلقات عامہ کے مطابق سیکیورٹی فورسز نے میران شاہ میں خفیہ اطلاعات پر کارروائی کی جس میں ایک دہشت گرد مارا گیا۔ 

آئی ایس پی آر کے مطابق ہلاک دہشت گرد سیکیورٹی فورسز پر حملوں میں ملوث تھا، ہلاک دہشت گرد سے اسلحہ و گولہ بارود برآمد ہوا۔

جاری بیان میں بتایا گیا کہ دہشت گردوں کے ساتھ فائرنگ کے تبادلے میں 30 سالہ سپاہی انصر علی شہید ہوئے جن کا تعلق نارووال سے تھا۔

ترجمان پاک فوج کا مزید کہنا تھا کہ ہمارے بہادر سپاہیوں کی قربانیاں ملک میں امن لائیں گی، علاقےسے دہشت گردوں کے خاتمے کیلئے آپریشن جاری ہے،سیکیورٹی فورسز دہشت گردی کے خاتمے کیلئے پرعزم ہیں۔