مسلح افواج کی کامن ویلتھ گیمزمیں میڈل جیتنے والے کھلاڑیوں کو مبارکباد

تفصیلات کے مطابق سماجی رابطے کی ویب سائٹ ٹوئٹر پر جاری پیغام میں ڈی جی آئی ایس پی آر میجر جنرل بابرافتخار نےنوح دستگیربٹ کو گولڈ میڈل جبکہ شاہ حسین شاہ کو برانز (کانسی ) میڈل حاصل کرنے پر مبارکباد دی۔

ڈی جی آئی ایس پی آر نے لکھا کہ دونوں کھلاڑیوں نے کامن ویلتھ گیمزمیں پاکستان کاجھنڈا بلند کیا ، آخر میں ڈی جی آئی ایس پی آر میجرجنرل بابرافتخار نے لکھا کہ پاکستان زندہ باد۔

Congratulations from Pakistan Armed Forces to Nooh Dastagir Butt for winning Gold Medal & Shah Hussain Shah for winning Bronze Medal in Commonwealth Games making Pakistan proud.
Pakistan ?? Zindabad pic.twitter.com/FQ6Ss0PxDE

— DG ISPR (@OfficialDGISPR) August 5, 2022

واضح رہے کہ  برمنگھم میں جاری کامن ویلتھ گیمز2022 میں پاکستان کے ویٹ لفٹر نوح دستگیر بٹ نے پہلا گولڈ میڈل جیت کر پاکستان کا سر فخر سے بلند کیا تھا۔

نوح دستگیربٹ 109پلس کیٹگری میں ان ایکشن ہوئے تھے، انہوں نے اسنیچ میں ریکارڈ173 کلو وزن اٹھایا اورکلین اینڈ جرک میں 232کلوکے ساتھ میدان مارا جبکہ انہوں نے مجموعی طور پر 405کلو وزن گرام وزن اٹھایا تھا۔

شاہ حسین شاہ نے جوڈو کے ایونٹ میں مائنس 90 کلو گرام کیٹگری کے میچ میں  جنوبی افریقا کے ایتھلیٹ کو شکست دے کر کانسی کا تمغہ اپنے نام کیا ۔