کراچی سمیت سندھ بھرمیں ڈبل سواری پر پابندی عائد 

تفصیلات کے مطابق محکمۂ داخلہ سندھ کی جانب سے موٹر سائیکل کی ڈبل سواری پر پابندی کا نوٹیفکیشن بھی جاری کر دیا گیا ہے ۔ نوٹیفکیشن کے مطابق سندھ بھر میں آج 5 اگست سے 10 اگست تک موٹر سائیکل کی ڈبل سواری پر پابندی ہو گی۔

یاد رہے کہ وفاقی دارالحکومت کی جانب سے عاشورہ کے موقع پر  پیر 8 اور منگل 9 اگست کو  ملک بھر میں عام تعطیل  کا اعلان کیا گیا ہے ۔ 

واضح رہے کہ پاکستان سمیت دنیا بھر میں نواسہ رسول ﷺ حضرت امام حسینؓ اور ان کے اہل خانہ کی اسلام کے لیے دی گئی قربانیوں کی یاد میں یوم عاشور منایا جاتا ہے جس میں اہل بیت کی زندگی کے مختلف پہلوؤں کو اجاگر کیا جاتا ہے۔