جی این این سوشل

پاکستان

ممنوعہ فنڈنگ کیس، ایف آئی اے نے تحقیقات کا آغاز کردیا

اسلام آباد:پاکستان تحریک انصاف ممنوعہ فنڈنگ کیس میں وفاقی تحقیقاتی ادارے نے تحقیقات کا آغاز کردیا، الیکشن کمیشن کی رپورٹ میں نامزد چار ملازمین طلب۔

پر شائع ہوا

کی طرف سے

ممنوعہ فنڈنگ کیس، ایف آئی اے نے تحقیقات کا آغاز کردیا
جی این این میڈیا: نمائندہ تصویر

میڈیا رپورٹس کے مطابق ایف آئی اے کی جانب سے ابتدائی تحقیقات میں الیکشن کمیشن کی رپورٹ میں نامزد 4 ملازمین کو طلب کیا گیا جن میں سے 3 نے اپنے بیانات قلمبند کروا دیے ہیں۔

رپورٹس میں بتایا گیا ہے کہ ملازمین میں چیئرمین تحریک انصاف عمران خان کے پرسنل سیکریٹری اور پارٹی کا جنرل منیجر فنانس بھی شامل ہیں۔

پاکستان

لیگی رہنما نذیر چوہان کی ضمانت منظور

عدالت نے اقدام قتل کے مقدمے میں گرفتار  مسلم لیگ ن کے رہنما نذیر چوہان کی ضمانت 50 ہزار روپے کے مچلکوں کے عوض منظور کر لی۔

پر شائع ہوا

ویب ڈیسک

کی طرف سے

لیگی رہنما نذیر چوہان کی ضمانت منظور

تھانہ جوہر ٹاؤن کی حدود میں اقدام قتل کے مقدمے میں گرفتار لیگی رہنما نذیر چوہان کو 4 روزہ جسمانی ریمانڈ کے بعد آج مجسٹریٹ کی عدالت میں پیش کیا گیا۔

رکن پنجاب اسمبلی شبیر احمد گجر نے کہا کہ انہیں نذیر چوہان کی رہائی پر کوئی اعتراض نہیں ہے جس پر عدالت نے نذیر چوہان کی ضمانت منظور کرتے ہوئے انہیں 50 ہزار روپے کے مچلکے جمع کرانے کا حکم دیا۔

دوسری جانب پنجاب کے ضمنی الیکشن میں پی پی 167 لاہور سے تحریک انصاف کے ٹکٹ پر کامیاب ہونے والے رکن اسمبلی شبیر احمد گجر اور نذیر چوہان نے ماڈل ٹاؤن کچہری میں ایک دوسرےکو گلے بھی لگایا۔

ایم پی اے شبیر احمد گجر کا کہنا تھا لڑائی جھگڑے اور دشمنی کی سیاست نہیں ہونی چاہیے، ہمیں عوام کی بھلائی کی سیاست کرنی چاہیے، اللہ کی رضا کے لیے نذیر چوہان کو معاف کر دیا ہے۔

یاد رہے کہ پاکستان تحریک انصاف کے رہنما شبیر احمد گجر نے پنجاب کے ضمنی انتخابات میں مسلم لیگ ن کے امیدوار نذیر چوہان کو شکست دی تھی۔ شبیر گجر نے 40 ہزار 206 ووٹ لیے تھے جبکہ نذیر چوہان کو 26 ہزار 535 ووٹ ملے تھے۔

پڑھنا جاری رکھیں

پاکستان

ہر چیز برداشت کی جاسکتی ہے ،فوج کے خلاف پروپیگنڈہ مہم ناقابل قبول ہے:چودھری شجاعت

لاہور:سربراہ مسلم لیگ ق چودھری شجاعت حسین نے کہا ہے کہ ہر چیز برداشت کی جاسکتی ہے لیکن فوج کے خلاف پروپیگنڈہ مہم ناقابل قبول اور ناقابل برداشت ہے۔

پر شائع ہوا

ویب ڈیسک

کی طرف سے

ہر چیز برداشت کی جاسکتی ہے ،فوج کے خلاف پروپیگنڈہ مہم ناقابل قبول  ہے:چودھری شجاعت

اپنے ایک بیان میں چودھری شجاعت حسین نے کہا کہ پاک فوج نےہرآفت،مصیبت اور مشکل گھڑی میں قوم کی مدد اور خدمت کی، امن وامان کی بحالی،دہشتگردی کے خاتمے میں فوج نے اہم کردارادا کیا، قربانیاں دیں،

سابق وزیر اعظم نے کہا کہ سانحہ لسبیلہ کے شہدا کے اہلخانہ کے غم اور دکھ میں پوری قوم برابر کی شریک ہے، سیاستدان مصلحتوں کو نظر انداز کر کے فوج کےساتھ بھرپور یکجہتی کا اظہار کریں۔

ان کا مزید کہنا تھا کہ ہر چیز برداشت کی جاسکتی ہے لیکن فوج کے خلاف پروپیگنڈہ مہم ناقابل قبول اور ناقابل برداشت ہے، سیاستدان سیاسی معاملات، مصلحتیں پس پشت رکھ کر پروپیگنڈا مہم ناکام بنائیں، اور فوج کی مکمل سپورٹ کریں۔

پڑھنا جاری رکھیں

پاکستان

پنجاب میں احساس راشن پروگرام شروع کرنے کی منظوری

لاہور:پنجاب میں احساس راشن پروگرام شروع کرنے کی منظوری دے دی گئی ہے جس کے تحت غریب افراد کو 1500 روپے فی کس دیے جائیں گے۔

پر شائع ہوا

ویب ڈیسک

کی طرف سے

پنجاب میں احساس راشن پروگرام شروع کرنے کی منظوری

میڈیا رپورٹس کے مطابق وزیراعلیٰ پنجاب چودھری پرویز الٰہی نے کہا کہ احساس راشن پروگرام کے تحت غریب لوگوں کو آٹا، دالیں اور گھی سستے داموں میں فراہم کیا جائے گا۔

وزیراعلیٰ پنجاب نے احساس راشن پروگرام پرعملدر آمد کے لیے وزارتی اسٹیئرنگ کمیٹی تشکیل دینے کی ہدایت بھی کی ہے،  اسٹیئرنگ کمیٹی کی سربراہ ڈاکٹر ثانیہ نشتر ہوں گی۔

چودھری پرویز الٰہی کا مزید کہنا تھا کہ احساس راشن رعایت پروگرام سے متعلق ورکنگ گروپ اور پروگرام پر عملدرآمد کے حوالے سے مؤثر مانیٹرنگ نظام تشکیل دیا جائے گا۔

پڑھنا جاری رکھیں

ٹرینڈنگ

Take a poll