وزیراعظم کی غزہ میں اسرائیل کے فضائی حملوں کی شدید مذمت

تفصیلات کے مطابق وزیراعظم شہباز شریف نے  سماجی رابطے کی ویب سائٹ ٹوئٹر پر ایک پیغام میں کہا کہ غزہ میں 5 سالہ بچی سمیت 10 فلسطینوں کی شہادت اسرائیلی دہشتگردی کی تازہ ترین کارروائی ہے ۔

انہوں نے کہا کہ اگر سزا کے خوف سے بالاتر ہو کر ظلم کرنے والے کا کوئی وجود ہے تو وہ اسرائیل ہے جو نتائج کی پرواہ کئے بغیر فلسطینیوں کو نشانہ بنا رہا ہے۔

وزیر اعظم نے کہا کہ پاکستان اسرائیلی فضائی حملوں کی شدید مذمت کرتا ہے ۔

Martyrdom of 10 Palestinians including 5-year-old girl in Gaza is latest act of Israeli terrorism.If impunity & barbarism had a face, it would have been that of Israel, which has targeted Palestinians without any care for consequences.Pakistan strongly condemns Israeli airstrikes

— Shehbaz Sharif (@CMShehbaz) August 6, 2022

واضح رہے کہ غزہ پر ایک بار پھر اسرائیلی جارحیت، جیٹ طیاروں کی بمباری سے فلسطینی کمانڈر اور 5 سال کی بچی سمیت 10 فلسطینی شہید اور 75 زخمی ہوگئے۔

رپورٹس کے مطابق جوابی کارروائی میں اسرائیل پر 100 سے زائد راکٹ فائر کئے گئے ہیں ۔

 گزشتہ روز غزہ کی پٹی پر اسرائیلی فوج نے ڈرون حملہ بھی کیا تھا، جس کے نتیجے میں 2 فلسطینی شہید جبکہ 19 زخمی ہوگئے تھے۔