ایف آئی اے نے پی ٹی آئی رہنما محمود الرشید کو طلب کرلیا

تفصیلات کے مطابق وفاقی حکومت کی ہدایت پر ایف آئی اے نے تحریک انصاف کے خلاف انکوائری کا دائرہ کار پورے ملک میں بڑھا دیا ہے، اس سلسلے میں تحریک انصاف کے سینئر رہنما میاں محمود الرشید کو 11 اگست کو طلب کرلیا گیاہے

میڈیا رپورٹس کے مطابق ایف آئی اے کی مانیٹرنگ ٹیم پشاور، لاہور،کراچی، اسلام آباد، کوئٹہ اور فیصل آباد میں زونل انکوائری ٹیم سے کورڈنیشن کرے گی، انکوائریاں پولیٹیکل پارٹیز ایکٹ 2002ء کے تحت کی جائیں گی۔

بتایا گیا ہے کہ مانیٹرنگ ٹیمز 5 ممبران پر مشتمل ہو گی جس کی سربراہی ڈائریکٹر ٹریننگ اطہر وحید کریں گے، ذونل کمیٹیاں تحریک انصاف کے اثاثوں کے حوالے سے بھی تفصیلات حاصل کریں گی۔