فیاض الحسن چوہان کو ترجمان پنجاب حکومت مقرر کر دیا گیا

نیا عہدہ ملنے پر فیاض الحسن چوہان نے کہا کہ تحریک انصاف اور پنجاب حکومت کی ترجمانی میرے لیے اعزاز ہے، عمران خان اور وزیر اعلیٰ پرویز الہٰی کےاعتماد پر ان کا شکر گزار ہوں۔

سماجی رابطے کی ویب سائیٹ ٹوئیٹر پر جاری ایک پیغام میں فیاض الحسن چوہان نے کہا کہ اللہ پاک کی ذات نے نبی پاکٌ کے صدقےعزت بخشی ہے، عمران خان کے ویژن اور چودھری پرویزالہی کی عزت کا پہرے دار ہوں۔

انہوں نے کہا کہ میرا ایمان ہے عزت ذلت کے فیصلے زمین پر نہیں آسمان پر ہوتےہیں۔ میں اپنے لیڈر عمران خان اور وزیر اعلی پنجاب چوہدری پرویز الہٰی کا شکرگزار ہوں کہ جنہوں نے مجھ پر اعتماد کیا۔