ووٹ کی عزت کا جنازہ نکالنے والے اب نیا بیانیہ گھڑنے کی کوشش میں ہیں:بابر اعوان

سماجی رابطے کی ویب سائیٹ ٹوئیٹر پر جاری پیغام میں معروف قانون دان بابر اعوان نے مسلم لیگ ن کے حوالے سے کہا کہ ووٹ کی عزت کا جنازہ نکالنے والے اب نیا بیانیہ گھڑنے کی کوشش میں ہیں۔

بابر اعوان کا کہنا تھا کہ نواز شریف نے گوجرانوالہ جلسے سے فوج اور حساس اداروں پر حملہ شروع کیا، اب بھی وہ لندن میں بیٹھ کر یہی کرتا ہے۔

بات کو جاری رکھتے ہوئے اپنے ٹوئیٹ میں ان کا مزید کہنا تھا کہ بھائی اقتدار کی وجہ سے چُپ اور بیٹی اداروں کو طعنے دینے کی ڈیوٹی کر رہی ہے۔ 

نواز شریف نے گوجرانوالہ جلسے سے فوج اور حساس اداروں پر حملہ شروع کیا۔ اب بھی وہ لندن میں بیٹھ کر یہی کرتا ہے۔ بھائی اقتدار کی وجہ سے چُپ اور بیٹی اداروں کو طعنے دینے کی ڈیوٹی کررہی ہے۔ "ووٹ کی عزت" کا جنازہ نکالنے والے اب نیا بیانیہ گھڑنے کی کوشش میں ہیں۔

— Babar Awan (@BabarAwanPK) August 6, 2022