تفصیلات کے مطابق سابق وزیراعظم بینظیر بھٹو اور سابق صدر آصف علی زرداری کی بڑی صاحبزادی بختاور بھٹو زرداری کے ہاں دوسرے بچے کی پیدائش ہوئی ہے۔

بختاور بھٹونے سماجی رابطے کی ویب سائٹ ٹوئٹر  پر دوسرے بیٹے کی پیدائش کی  خوشخبری  دی اور اللہ کا شکر ادا کیا۔

 بختاور نےپیغام میں  تاریخ گزشتہ روز 5 اکتوبر 2022  شئیر کی ہے ۔ 

5.10.22 @mahmoodchoudhry 💛 pic.twitter.com/jYKqmaXU56

— Bakhtawar B-Zardari (@BakhtawarBZ) October 6, 2022

خیال  رہے کہ   بلاول بھٹو زرداری کی بہن بختاور بھٹو زرداری کے ہاں گزشتہ برس 10 اکتوبر کو  پہلے بیٹے کی پیدائش  ہوئی تھی جس کا نام  میر حاکم چوہدری ہے۔

واضح رہے کہ آصف علی زرداری کی صاحبزادی 31 جنوری 2021 کو پاکستانی نژاد دبئی کے صنعت کار محمود چوہدری کے ساتھ رشتہ ازدواج میں منسلک ہوئی تھیں، ان کی شادی کی تقریبات ایک ہفتے تک جاری رہی تھیں ۔ 

بین الاقوامی میڈیا رپورٹس کے مطابق فائرنگ کے نتیجے میں زخمی ہونے والوں میں 22 بچے بھی شامل ہیں ، جنہیں ہسپتال منتقل کردیا گیا ہے۔

حکومتی ترجمان  کا کہنا ہے کہ فائرنگ کا واقعہ نونگ بوا لامفو میں چائلڈ ڈے کیئر سینٹر میں مقامی وقت کے مطابق ساڑھے بارہ بجے پیش آیا ۔  اس حملے میں 12 افراد زخمی بھی ہوئے ہیں۔ انھیں نونگ بوا لامفو کے ضلعی ہسپتال میں طبی امداد فراہم کی جا رہی ہے۔ 

پولیس کا کہنا ہے کہ اس حملے کے بعد جب ملک کے شمال مشرقی صوبے نونگ بوا لامفو میں ملزم کی تلاش کے لیے آپریشن کیا گیا تو حملہ آور نے اپنی بیوی اور بچے  کو ہلاک کرنے کے بعد خودکشی کر لی۔

پولیس کا کہنا ہے کہ فائرنگ کرنے والا مسلح شخص سابق پولیس اہلکار تھا جسے حال ہی میں برطرف کیا گیا تھا ۔ حملہ آور کے حوالے سے موصول ہونے والی مزید تفصیلات  میں کہا گیا ہے کہ اس کے پاس حملے کے لیے موجود آلات میں شوٹنگ گن، پستول اور چھری موجود تھی ۔  حملہ آور پر ڈرگز کے الزامات تھے اور اسی حوالے سے وہ عدالت میں پیشی پر بھی گیا تھا۔ 

تھائی لینڈ کے وزیراعظم پریوتھ چان-اوچا نے اس واقعے کو ایک دل دہلا دینے والا واقعہ قرار دیتے ہوئے فوری طور پر واقعے کی تحقیقات کا حکم دیا ہے۔

جمعرات کوانٹربینک میں ڈالر1روپے94 پیسے سستا ہو کر222 روپے پرآگیا۔ دن کے اختتام پر انٹر بینک میں ڈالر 2 روپے سستا ہوکر 221 روپے 94 پیسے پر بند ہوا۔10 روز میں انٹر بینک میں ڈالر کی قیمت 17 روپے 77 پیسے نیچے آگئی ہے۔

اوپن کرنسی مارکیٹ میں ڈالر 3 روپے سستا ہوکر 224 روپے کا ہوگیا۔

Interbank closing #ExchangeRate for todayhttps://t.co/1ib7ME1SpC pic.twitter.com/TDo4CubrMp

— SBP (@StateBank_Pak) October 6, 2022

بدھ کو کاروباری اوقات کار کے اختتام پر ڈالر کی قدر 225 روپے 64 پیسے سے گھٹ پر 223 روپے 94 پیسے ہوگئی۔

حکومتی اقدامات کے باعث گزشتہ ہفتے سے ڈالر کی قدر میں کمی کا سلسلہ جاری ہے۔ رواں ہفتے کے دوران ڈالر کی قدر میں ساڑھے 5 روپے کم ہوئی ہے۔

چند روز قبل وفاقی وزیر خزانہ اسحاق ڈار نے کہا تھا کہ ڈالر کی قدر کو 200 روپے سے نیچے لایا جائے گا کیوں کہ اس وقت مارکیٹ میں ڈالر کی قدر حقیقی نہیں۔

اس کےعلاوہ گزشتہ روز قومی اسمبلی کی قائمہ کمیٹی میں 8 ایسے بینکوں کی فہرست بھی پیش کی گئی تھی جو ڈالر کی قدر میں پیر پھیر کرکے اربوں روپے کمانے میں مبینہ طور پر ملوث ہیں۔