امریکہ میں ملعون سلمان رشدی پر حملہ

غیر ملکی خبر رساں ادارے کے مطابق شاتمِ رسول سلمان رشدی امریکی ریاست نیویارک کے علاقے شوٹاکوا میں تقریب سے خطاب کیلئے اسٹیج پر پہنچا تو ایک شخص نے اس پر چاقو سے حملہ کر دیا۔

حملہ آور نے اسٹیج پر آکر سلمان رشدی اور انٹرویو لینے والے ایک شخص پر چاقو سے حملہ کیا، بی بی سی کے مطابق سلمان رشدی کی گردن پر زخم آیا ہے۔ 

رپورٹس کے مطابق ملعون سلمان رشدی کو طبی امداد کیلئے ہیلی کاپٹر کے ذریعے اسپتال منتقل کردیا گیا جبکہ حملہ آور کو حراست میں لے لیا گیا ہے۔

خیال رہے کہ پہلے بھی ملعون سلمان رشدی کو توہین آمیز تصنیف کی وجہ سے قتل کی دھمکیاں ملتی رہی ہیں، ایران کے آیت اللہ خمینی نے 1989ء میں رشدی کو واجب القتل قرار دینے کا فتویٰ دیا تھا۔