بلوچستان:سرکاری ملازمین کی تنخواہوں اور پینشن میں اضافے کی منظوری دے دی گئی

تفصیلات کے مطابق بلوچستان کابینہ نے سرکاری ملازمین کی تنخواہوں اور پینشن میں اضافے کی منظوری دے دی ہے جبکہ اراکین نے اپنی 1 ماہ کی تنخواہ سیلاب متاثرین کے فنڈ میں دینے کا بھی اعلان کیا ہے۔

میڈیا رپورٹس کے مطابق سرکاری ملازمین کی تنخواہوں میں اضافے کا اعلان رواں مالی سال کے بجٹ میں کیا گیا تھا، منظوری کا اطلاق یکم جولائی 2022ء سے ہوگا۔

بلوچستان کابینہ نے متاثرین کی امداد، نقصانات کے ازالے اور ان کی مکمل بحالی کے عزم کا اظہار کرتے ہوئے  مشترکہ ٹیموں کے ذریعے سے نقصانات کے سروے کے فوری آغاز کی ہدایت کی۔

اجلاس میں امدادی سرگرمیوں پر صوبائی کابینہ کی طرف سے اطمینان کا اظہار کیا گیا، اس موقع پر بلوچستان کے سیلاب سے متاثرہ علاقوں میں امدادی سرگرمیوں پر بریفنگ بھی دی گئی۔