شہبازگل تندرست اور مکمل فٹ قرار، ہسپتال سے ڈسچارج کردیا گیا 

تفصیلات کے مطابق میڈیکل بورڈ نے شہباز گل کے 10 ٹیسٹ اور 6 ایکسرے کے بعد میڈیکل رپورٹ جاری کردی ۔ رپورٹ میں شہباز گل کو مکمل طور پر فٹ قرار دیتے ہوئے کہا گیا ہے کہ ان پر کسی قسم کے تشدد کے ثبوت نہیں ملے، ان کا کورونا ٹیسٹ بھی منفی آیا ہے۔

آج صبح شہباز گل کو پمز اسپتال سے ڈسچارج کردیا گیا جبکہ  انہیں سخت سکیورٹی حصار  میں اسپتال سے روانہ کیا گیا۔  شہباز گل کو مین گیٹ کے بجائےاہسپتال کے پچھلے دروازے سےلےجایا گیا ۔ 

میڈیکل بورڈ نے  ڈاکٹر شہباز گل  کی نئی میڈیکل رپورٹ رات گئے جاری کی گئی تھی جس میں شہباز گل کو  رات ڈسچارج کرنے کی اجازت دی تھی۔ 

دوسری جانب اسلام آباد پولیس نے  شہباز گل کو  ڈسٹرکٹ کورٹ پہنچا دیا گیا ، شہباز گل کے جسمانی ریمانڈ کی سماعت ڈیوٹی جج جوڈیشل مجسٹریٹ راجہ فرخ علی خان کرینگے  جبکہ شہباز گل کو بخشی خانہ پہنچایا گیا ہے ۔

ڈیوٹی جج کے آنے پر ملزم کو کمرہ عدالت میں پیش کیا جائے گا ، پولیس کی جانب سے شہباز گل کو عدالت میں پیش کرنے کے بعد مزید ریمانڈ کی استدعا کی جائے گی۔

شہباز گِل کی آمد سے قبل کچہری کے باہر سیکیورٹی کے سخت انتظامات کیے گئے ہیں۔