عمران خان کو شہباز گل سے ملاقات کی اجازت نہ مل سکی

اسلام آباد پولیس کے مطابق ملزم شہباز شبیر کو پمزاہسپتال منتقل کردیا گیا ہے اور اسلام آباد کیپیٹل پولیس نے اسپتال میں سکیورٹی کا مناسب بندوبست کیا ہے۔

ترجمان پولیس کے مطابق اسپتال میں اضافی نفری بھی تعینات کردی گئی ہے، ملزم جسمانی ریمانڈ پر نہیں ہے، ملاقات کی اجازت نہیں دی جائے گی۔

سابق وزیر اعظم عمران خان نے پمز اسپتال کے باہر میڈیا سے گفتگو کرتے ہوئے کہا کہ پولیس کس سے آرڈر لے رہی ہے؟ پولیس نے ہمیں شہباز گل سے ملنے نہیں دیا۔

انہوں نے اعلان کیا کہ کل اسلام آباد میں ایک بڑی ریلی نکال رہا ہوں، تمام شہری اس میں شرکت کریں، اس موقع پر فواد چودھری، شیریں مزاری، عثمان ڈار اور تحریک انصاف کے دیگر رہنما بھی موجود تھے۔