اداکارہ یشما گِل کو ’رشتہ ایپ‘  پر رشتے کیلئے 10 ہزار  درخواستیں  موصول ہوگئیں۔
پاکستان شوبز کی معروف ادکارہ یشما گل کورشتہ ایپ  پر اب تک ہزاروں لوگوں کے رشتے کی درخواستیں آ چکی ہیں۔
ادکارہ یشماگل نے  رشتہ کرانے والی آنٹیوں سے تنگ ہو کر حال ہی میں رشتہ ایپ پر اپنا اکاؤنٹ بنایا ہے، جہاں ان کو دنیا بھر سے شادی کی پیشکش ہونے لگی ہیں، ادکارہ کا کہنا ہے کہ ان کوشادی کے لیے اب تک دس ہزار لوگوں کے رشتے آ چکے ہیں۔ 
تاہم  اب دیکھنا یہ ہے کہ اداکارہ کے خوابوں کا شہزادہ کون بنے گا اورکس خوش قسمت کے نام کا قرعہ نکلتا ہے۔
واضح رہے کہ اس سے قبل اداکارہ  نے  ایک نجی  ٹی وی شو میں اعتراف کیا تھا کہ  آج کل میاں تلاش کرنا بہت مہنگا ہوگیا ہے، میں نے ایک اچھے رشتے کی تلاش کیلئے میرج بیورو سے رابطہ کیا تھا جس کیلئے انہوں نے مجھ سے  8 لاکھ فیس مانگی تھی ۔ 

استور:بارتیوں کی کوسٹر دریا میں گرنے سے6 افرا د جاں بحق ،متعدد زخمی

گلگت بلتستان کے ضلع استور سے  راولپنڈی جانے والی باراتیوں سے بھری کوسٹر دریا میں گر گئی جس کے نتیجے میں 6 افراد جاں بحق ہو گئے ہیں۔ جبکہ حادثے میں 18 افراد لاپتہ ہے جن کی تلاش جاری ہے۔

ریسکیو حکام کے مطابق باراتیوں سے بھری کوسٹر گلگت بلتستان کے ضلع استور  سے پنجاب کے ضلع راولپنڈی کے لیے روانہ ہوئی تھی اور راستے میں حادثے کا شکار ہو گئی،

ریسکیو ذرائع کے مطابق اب تک جائے حادثہ سے 6 لاشیں ملی ہیں جب کہ ایک لڑکی زخمی ہے جس کے بارے میں بتایا گیا کہ وہ دلہن تھی،  جبکہ مزید لاپتا 18 افراد کی تلاش جاری ہے۔

ریسکیو افسر کے مطابق استور سے جائے حادثہ 3 گھنٹے کی مسافت پر ہے، حکام کے مطابق جائے حادثہ ضلع دیامر کے حدود میں شامل ہے۔

 آذربائیجان میں ہونے والی موسمیاتی تبدیلیوں پر عالمی کانفرنس کوپ 29 سے خطاب میں اقوام متحدہ کے سیکرٹری جنرل انتونیو گوتریس نے بھی خطاب کیا۔
اپنے خطاب میں انتونیو گوتریس کا کہنا تھا کہ کوپ 29 میں موسمیاتی تبدیلی کے فنڈز میں اضافہ کیا جانا چاہیے، اور موسمیاتی تبدیلی سے دوچار ترقی پذیر ممالک کو خالی ہاتھ نہیں لوٹنا چاہیے، کوپ 29 میں موسمیاتی تبدیلی سے نمٹنے کے لیے ڈیل ہونی چاہیے، مطلوبہ نتائج کے لیے مالیاتی ہدف طے کرنے کی ضرورت ہے، ہمیں درجہ حرارت 1.5 ڈگری تک محدود کرنے کے لیے اپنی کوششوں کو تیز کرنا ہوگا۔
اقوام متحدہ کے سیکرٹری جنرل نے جی 20 گروپ کے  ممالک سے  مطالبہ کرتے ہوئے کہا کہ فوسل فیولز کی پیداوار  کو دو گنا کرنا مضحکہ خیز ہے۔
سیکریٹری جنرل نے  ترقی یافتہ ممالک سے  واضح رہے کہ پچھلے سال ہونے والے کوپ 28 کے اجلاس میں فوسل فیولزکے زیادہ استعمال سے دست بردار ہونے کا مطالبہ کیا تھا۔
اس موقع پر عالمی رہنماؤں سے اپنے خطاب میں انتونیو گوتریس نے کہا سال ’’2024 آب و ہوا کی تباہی کی ایک ماسٹر کلاس ہے، اگلے سمندری طوفان سے پہلے اپنی جان بچانے کے لیے بھاگنے والے خاندان؛ کارکنان اور زائرین ناقابل برداشت گرمی کا شکار ہو رہے ہیں، سیلاب کمیونٹیز کو ادھیڑ کر رکھ دیتا ہے، اور انفراسٹرکچر کو تباہ کر دیتا ہے۔ انھوں نے مزید  کہا کہ موسمیاتی تبدیلی کی وجہ سے  ’’بچے بھوکے سو رہے ہیں کیوں کہ فصلیں خشک سالی کی وجہ سے تباہ ہو رہی ہیں، یہ تمام آفات اور تباہیاں محض انسان کے ہاتھوں لائی گئی موسمی تبدیلیوں کی وجہ سے رونما ہو رہی ہیں۔
اپنے خطاب میں ترقی پذیر ممالک سے بھی موسمیاتی تبدیلیوں کے لیے فنڈنگ پر انتونیو گوتریس نے کہا کہ اس کانفرنس میں موسمیاتی فنڈنگ کی راہ میں حائل تمام رکاوٹوں کو گرا دینا چاہیے۔
واضح رہے کہ موسمیاتی تبدیلیوں پر اقوام متحدہ کی عالمی کانفرنس آذربائیجان کے دارالحکومت باکو میں ہو رہی ہے جو کہ 11 نومبر سے   22 نومبر تک جاری رہے گی ۔